តើសេចក្ដីសុខនិងសេចក្ដីទុក្ខដែលកើតមានដល់អ្នកប្រព្រឹត្តមានប៉ុន្មានប្រការ? អ្វីខ្លះ?

សេចក្ដីសុខ ជាសេចក្ដីសប្បាយរីករាយផ្នែកកាយចិត្តស្រណុកស្រួល។

សេចក្ដីសុខតាមផ្លូវលោកមាន៖

• សុខកើតពីការមានទ្រព្យ
• សុខកើតពីការបរិភោគ និងប្រើប្រាស់ទ្រព្យយ៉ាងសម្បូរបែប
• សុខកើតពីការមិនជំពាក់បំណុលគេ
• សុខកើតពីការប្រព្រឹត្តតាមគន្លងធម៌ ឬធ្វើការងារប្រាសចាកទោស
• សុខព្រោះគ្មានទំនាស់ គ្មានអសន្តិសុខសង្គម ឬមានភាពស្ងប់។

          សេចក្ដីសុខតាមផ្លូវធម៌មាន៖

• ហាមបំផ្លាញជីវិតសត្វលោក នាំឲ្យមានសិទ្ធិរស់រានមានជីវិត
• ហាមលួចនាំឲ្យមានសិទ្ធិស្វ័យសម្រេចនិងសេចក្ដីថ្លៃថ្នូរមានតម្លៃជាមនុស្ស
• ហាមសេពកាម ប្រពន្ធ កូនអ្នកដទៃ
• ហាមពោលពាក្យមិនពិត
• ហាមសេពគ្រឿងស្រវឹង នាំឲ្យមានសេចក្ដីថ្លៃថ្នូរប្រចាំកាយ

សេចក្ដីទុក្ខ ជាការព្រួយបារម្ភ ជាការលំបាក។

សេចក្ដីទុក្ខតាមផ្លូវលោកមាន៖

• ទុក្ខព្រោះស្រេកឃ្លាន
• ទុក្ខព្រោះរកស៊ីមិនបាន ខ្វះការងារធ្វើ
• ទុក្ខព្រោះជីវភាពដុនដាប ជំពាក់បំណុលគេ
• ទុក្ខព្រោះអសន្តិសុខ គ្មានសុវត្ថិភាព
• ទុក្ខព្រោះមានសង្រ្គាមឥតឈប់ឈរ

សេចក្ដីទុក្ខតាមផ្លូវធម៌ គឺគ្មានទេ ពីព្រោះធម៌នាំមកនូវសីលដែលវៀរចាកអំពើ អាក្រក់គ្រប់បែបយ៉ាង ប្រកាន់យកតែអំពើល្អតាមផ្លូវកាយ វាចា និងចិត្ត។