មេរៀនទី២៖ ការលូតលាស់របស់អំប្រ៊ីយ៉ុង (មេរៀនសង្ខេប)

ការបង្កកំណើតក្រៅកើតមានឡើងចំពោះសត្វភាគចើ្រនដែលរស់នៅក្នុងទឹក ស្ពែម៉ាតូសូអ៊ីតនិងអូវុលត្រូវបានបញ្ចេញព្រមគ្នាក្នុងទីកនែ្លងតែមួយនៅក្នុងទឹក ។
ការបង្កកំណើតក្នុងកើតមានចំពោះសត្វដែលបន្តពូជនៅលើគោក ។ សរីរាង្គភេទដឹកនាំស្ពែម៉ាតូសូអ៊ីតពីសារពាង្គកាយសត្វឈ្មោលចូលទៅក្នុងសារពាង្គកាយសត្វញី ការបង្កកំណើតប្រព្រឹត្តទៅក្នុងសារពាង្គកាយសត្វញី ។
ការលូតលាស់ ជាលំនាំមួយយ៉ាងស្មុគស្មាញដែលកោសិកាមួយកា្លយជាសារពាង្គកាយពហុកោសិកាពេញវ័យមួយ។ ការលូតលាស់របស់អំប្រ៊ីយ៉ុងសត្វទាំងអស់មានចំណែកកោសិកា ការរីកធំធាត់ និងបំលែងឯកទេសជានិច្ច ។
លទ្ធផលនៃចំណែកកោសិកាបានជាប្លាស្នូឡា។ វាមានរាងជាស្វ៊ែប្រហោងក្នុង ដែលបង្កឡើងពីកោសិកាក្រាស់មួយស្រទាប់ ។ ប្រហោងនោះពេញដោយធាតុរាវហៅថា ប្លាស្កូស៊ីល ។
កោសិកាបីស្រទាប់របស់ហ្គាសស្ទ្រូឡាគឺ អិចតូឌែម មេសូឌែម និងអង់ដូឌែម ដែលបង្កើតបានជាស្រទាប់ខ្មែរ ។ ស្រទាប់ខ្ទរទាំងបីបង្កើតបានជាជាលិកានិងសរីរាង្គផ្សេងៗ ។ ស្រទាប់អិចតូឌែមបង្កើត បានជាប្រព័ន្ធប្រសាទ ភ្នាសខាងក្នុងមាត់រន្ធ ច្រមុះ ទ្វារធំ។ ស្រទាប់មេសូឌែមបង្កើតបានប្រដាប់បន្តពូជ ប្រដាប់បញ្ចេញចោល ឆ្អឹង សាច់ដុំ ឈាម និងសរសៃឈាម។ ស្រទាប់អង់ដូឌែមបង្កើតបានជាភ្នាសខាងក្នុងនៃបំពង់រំលាយអាហារ ភ្នាសខាងក្នុងបំពង់ខ្យល់ ទងសួត សួត ថ្លើម លំពែង និងប្លោកនោម ។
ដំណាក់កាលលូតលាស់ដំបូងរបស់អំប្រ៊ីយ៉ុងមនុស្សមានការកាច់សំបុកហ្គាសស្រ្ទូឡានិងណឺរុលឡាស្យុង ។
ក្រោយពេលអំប្រ៊ីយ៉ុងភ្ជាប់ខ្លួនទៅនឹងភ្នាសសើមស្បូន សុកត្រូវបានបង្កើតឡើង បណ្តូរសារធាតុចិញ្ចឹម O2 កាកសំណល់ និង CO2 រវាងម្តាយនិងអំប្រ៊ីយ៉ុងធ្វើឡើងតាមរយៈសុក។