តើនៅប្រទេសកម្ពុជាមានសន្ធិសញ្ញានិងកិច្ចព្រមព្រៀងអ្វីខ្លះ? ចូរនិយាយពីខ្លឹមសារសន្ធិសញ្ញានីមួយៗ?

ប្រទេសកម្ពុជាមានសន្ធិសញ្ញានិងកិច្ចព្រមព្រៀងសន្ធិសញ្ញាអាណាព្យាបាលបារាំង ១១ សីហា ១៨៦៣

ខ្លឹមសារៈ​ បារាំងជួយការពារប្រទេសកម្ពុជា ដោយរក្សាទឹកដី មិនអោយមានការបាត់បង់តទៅទៀត ។

– 1884 កិច្ចព្រមព្រៀងដកសិទ្ធិរបស់ស្តេចដើម្បីអោយបារាំងធ្វើជាអាណាព្យាបាលលើប្រទេសខ្មែរទាំងមូល ។ ប្រទេសកម្ពុជានៅក្រោមអាណានិគមរបស់បារាំង ។

ខ្លឹមសារៈ​

• ស្តេចត្រូវតែទទួលកំណែប្រែផ្នែករដ្ឋបាល តុលាការ ហិរញ្ញ​វត្ថុ សេដ្ឋកិច្ចដែលរដ្ឋមន្រ្តីសាធារណរដ្ឋបារាំងបានសំរេចថានិងធ្វើ
• ត្រូវខិតនៅក្រោមការត្រួតត្រារបស់បារាំង ភ្នាក់ងាររាជការខ្មែរមានចៅហ្វាយខេត្តិ និងមេក្រសួងជាដើម ។ ក្រសួងគយ សាធារណការ និងក្រសួងទៀត ឋិតនៅក្រោមការចាត់ចែងរបស់បារាំងផ្ទាល់
• ស្តេចត្រូវតែទទួលតំណាងបារាំងតាមសេចក្តីស្នើសុំ
• ចំណាយសំរាប់រាជការ និងសំរាប់អាណានិគមបារាំងជាបន្ទុករបស់ប្រទេសខ្មែរ ។

– កិច្ចព្រមព្រៀងបារាំងខ្មែរៈប្រគល់សិទ្ធិនិងតួនាទីអោយព្រះមហាក្សត្រ និងមន្រ្តីរាជការវិញ

– ១៨៨៨.១៨៨៩ កិច្ចព្រមព្រៀងរដ្ឋបាលបារាំងជាមួយព្រះមហាក្សត្រនរោត្តម អោយព្រះមហាក្សត្រប្រគល់អំណាចទៅអោយបារាំងវិញ

– ២៣ មីនា ១៩០៧ សន្ធិសញ្ញាបារាំង .សៀមៈ

• បារាំងយកខេត្តបាត់ដំបង និងមហានគរ មកអោយខ្មែរិញ
• សៀមប្រគល់ខេត្ត ម្លូរព្រៃ ទន្លរពៅ និងកោះកុងអោយខ្មែរវិញ

– ១៩៤៩ កិច្ចព្រមព្រៀងបារាំងនិងព្រះបាទ នរោត្តម សីហនុ

• ព្រះរាជាណាចក្រកម្ពុជា ជារដ្ឋឯករាជ្យមួយស្ថិតនៅក្នុងសហព័ន្ធឥណ្ឌចិនបារាំង

– ២៦ មេសា ១៩៥៤ សន្ធិសញ្ញាក្រុងសឺណែវៈ

• កិច្ចព្រមព្រៀងស្តីពីការបញ្ឈប់បាញ់គ្នានៅក្នុងប្រទេសកម្ពុជា
• សេចក្តីប្រកាសរបស់រដ្ឋាភិបាលកម្ពុជា អំពីសិទ្ធិរបស់ប្រជាពលរដ្ឋ និងការបោះឆ្នោត
• សេចក្តីប្រកាសទាក់ទង និងសម្ព័ន្ធភាពយោធាការតែងតាំងមូលដ្ឋានទ័ពបរទេសនិងការជួយឧបត្ថម្ភកំលាំងយោធាពីបរទេស
• សេចក្តីប្រកាសរបស់បារាំង ស្តីពីការដកកងទ័ពបារាំងចេញពីទឹកដីឥណ្ឌូចិន និងគោរពដាក់ឯករាជ្យ អធិបតេយ្យនៃប្រេទេសឥណ្ឌូចិន
• សេចក្តីថ្លែការរបស់សន្និសិទ្ធទាក់ទងនិងកិច្ចព្រមព្រៀងសឺណែវ
• សេចក្តីថ្លែងការណ៍បិទសន្និសិទ ។

ក្នុងសេចក្តីប្រកាសបិទសន្និសិទសមាជិកទាំងអស់បានប្រកាសអំពីកាតព្វកិច្ចរបស់ខ្លួនគោរពនូវឯករាជ្យនិងអធិបតេយ្យភាពរបស់ប្រទេសកម្ពុជានៅក្នុងឥណ្ឌូចិន ។