ជំពូក២៖ ការបន្តពូជ និង ការលូតលាស់ , មេរៀនទី១៖ កំណកោសិកាបន្តពូជ (មេរៀនសង្ខេប សំណួរ ចម្លើយ)

ជំពូក២៖ ការបន្តពូជ និង ការលូតលាស់

មេរៀនទី១៖ កំណកោសិកាបន្តពូជ

មេរៀនសង្ខេប

• ពងស្វាស ជាក្រពេញភេទឈ្មោលដែលផលិតស្ពែម៉ាតូសូអ៊ីត និងបញ្ចេញអរម៉ូនតេស្តូស្តេរ៉ូន អរម៉ូននេះបណ្ដាលឱ្យមានលក្ខណៈភេទបន្ទាប់ ។
• អូវែ ជាក្រពេញភេទញីដែលផលិតអូវុលនិងបញ្ចេញអរម៉ូនអឺស្ត្រូសែន។ អរម៉ូននេះបណ្តាលឱ្យមានការលូតលាស់នូវលក្ខណៈភេទបន្ទាប់។
• វដ្តអូវែទាក់ទងនឹងការលូតលាស់របស់ផូលីគុល និងការបញ្ចេញអូវុលសម្រាប់ការបង្កកំណើត ព្រមទាំងត្រៀមស្បូនដើម្បីទទួលស៊ុតបង្កកំណើត។ វដ្តអូវមានបីវគ្គគឺ វគ្គផូលីគុល ដំណើរអូវុល និងវគ្គលុយតេអ៊ិច។ ប្រសិនបើអូវុលមិនបង្កកំណើតទេនោះ ភ្នាសសើមស្បូនត្រូវដាច់ចេញជាមួយឈាមមកក្រៅរាងកាយហៅថាឈាមរដូវ។ ប្រសិនបើអូវុលទទួលការបង្កកំណើតរដូវត្រូវផ្អាក ។
• មេយ៉ូស ជាចំណែកកោសិកាពីរដងបន្តបន្ទាប់គ្នាដែលបង្កើតបានជាកោសិកាអាប្លូអ៊ីតបួន។ ចំពោះមនុស្សស្រីអូវូ៉ស៊ីត I ទទួលរងមេយ៉ូស ដើម្បីបង្កើតបានកោសិកាអាប្លូអ៊ីត(អូវុល) មួយ។ ចំពោះមនុស្សប្រុសស្ពែម៉ាតូសូអ៊ីត១ទទួលរងមេយ៉ូស ដើម្បីបង្កើតបានស្ពែម៉ាតូសូអ៊ីត ៤។
• ចំពោះមនុស្សការបង្កកំណើតមានបីដំណាក់កាលគឺ ការឆ្លងកាត់ស្រោមអូវុលការជ្រៀតចូលនៃស្ពែម៉ាតូសូអ៊ីតនិងប្រតិកម្មអូវ៉ូស៊ីតព្រមទាំងការរលាយចូលគ្នានៃណ្វៃយ៉ូទាំងពីរ។

សំណួរ ចម្លើយ ជីវវិទ្យា ថ្នាក់ទី១១

១.​តើប្រដាប់បន្តពូជមាននាទីអ្វីខ្លះ ?

២. តើអរម៉ូនភេទរបស់មនុស្សមានអ្វីខ្លះ ?

៣. តើទឹកកាមបង្កឡើងពីរអ្វីខ្លះ ?

​៤ . តើវដ្តរដូវមានប៉ុន្មានវគ្គ ? អ្វីខ្លះ ?

៥. ដូចម្តេចដែលហៅថា មេយ៉ូស ? តើចំណែកនីមួយៗរបស់មេយ៉ូសចែកចេញជាវគ្គអ្វីខ្លះ ?

៦. តើស្ពែម៉ាតូសូអ៊ីត I ផលិតបានស្ពែម៉ាតូសូអ៊ីតប៉ុន្មាន ? អូវ៉ូស៊ីត I ផលិតបានអូវុលប៉ុន្មាន ។

ជីវវិទ្យា ថ្នាក់ទី១១ វិទ្យាសាស្រ្ពពិត វិទ្យាសាស្ត្រសង្គម

អ្នកអាចស្វែងរកឯកសារជាច្រើនបន្ថែមទៀតនៅលើគេហទំព័រនេះដូចជា

– មេរៀនសង្ខេប

– ពន្យល់ពាក្យ

– សំណួរ ចម្លើយ​

– វិញ្ញាសាប្រឡងបាក់ឌុប

– វិញ្ញាសាប្រឡងចូលក្របខណ្ឌក្រសួង

– វិញ្ញាសាប្រឡងអាហារូបករណ៍

– វិញ្ញាសាត្រៀមប្រឡងបាក់ឌុប

– វិញ្ញាសាត្រៀមប្រឡងពេទ្យ

– វិញ្ញាសាត្រៀមប្រឡងអាហារូបករណ៍

– វិញ្ញាសាត្រៀមប្រឡងចូលក្របខណ្ឌក្រសួង

ប្រភព៖ សៀវភៅសិក្សាគោលជីវវិទ្យាថ្នាក់ទី១១