តើព្រះពុទ្ធបានប្រារព្ធមហាសន្និបាតដំបូងនៅឯណា ? មានព្រះសង្ឃប៉ុន្មានព្រះអង្គចូលរួម ? មានអត្ថន័យយ៉ាងដូចម្តេច ?

នៅថ្ងៃ១៥កើត ខែមាឃ ឆ្នាំរកា ព្រះពុទ្ធ បានប្រារព្ធមហាសន្និបាតដំបូង នៅក្នុងព្រៃវេរវន្ត ជិតក្រុងរាជគ្រឹះ ដោយមានព្រះសង្ឃ១២៥០អង្គចូលរួម។ ក្នុងឱកាសមហាសន្និបាតនេះព្រះសម្មាសម្ពុទ្ធបានប្រកាសធម្មនុញ្ញរបស់សាសនា ដល់សមាជិកទាំង អស់សម្រាប់ធ្វើជាក្រឹត្យក្រមអនុវត្តន៍ និងដើម្បីផ្សព្វផ្សាយដល់មហាជនទូទៅឲ្យដឹងពីគោលការណ៍ដែលព្រះពុទ្ធសាសនាប្រកាន់យកក្នុងឋានៈជាសាសនាថ្មី។ ធម្មនុញ្ញថ្មីនេះព្រះអង្គឲ្យឈ្មោះថាឱវាទបាដិមោក្ខដែលមាន៥ជំពូក និងចែកចេញជា១១មាត្រា។