ហេតុអ្វីបានជាគេសន្និដ្ឋានថា ថ្នាក់ត្រី ថ្នាក់កង្កែប (អំភីប៊ីយាង) ថ្នាក់ល្មូន ថ្នាក់បក្សី និងថ្នាក់ថនិកសត្វ មានទំនាក់ទំនងសែស្រឡាយជាមួយគ្នា ឬមានបុព្វរួម ?

អំប្រ៊ីយ៉ុងនៃសត្វទាំងប្រាំថ្នាក់នៅដំណាក់កាលដំបូងមានរូបរាងដូចគ្នាគឺមានកន្ទុយ រង្វះស្រកី ពួរឆ្អឹងខ្នង… ។ ការសិក្សាពីរូបផ្គុំនៃសារពាង្គកាយសត្វទាំងប្រាំថ្នាក់ បង្ហាញពីសរីរាង្គអូម៉ូឡូក ដូចជាអវយវៈមុខ អវយវៈក្រោយ និងប្រព័ន្ធប្រសាទជាដើម។ ដើម្បីរកទំនាក់ទំនងសែស្រឡាយរវាងប្រភេទផ្សេងៗនៃភាវៈរស់ គេសិក្សាប្រៀបធៀបម៉ូលេគុល ADN និងម៉ូលេគុលប្រូតេអ៊ីនរបស់ភាវៈរស់ទាំងនោះ ។ ភាវៈរស់ដែលមានទំនាក់ទំនងសែស្រឡាយជិត តែងតែមានតំណលំដាប់នុយក្លេអូទីតក្នុងម៉ូលេគុល ADN និងតំណលំដាប់អាស៊ីតអាមីនេដូចគ្នាច្រើន។