ហេតុអ្វីបានជាក្រសួងអប់រំ យុវជន និងកីឡាតម្រូវឲ្យមានការបញ្ជ្រាបជំងឺអេដស៍នៅក្នុងកម្មវិធីសិក្សាចំណេះដឹងទូទៅ? ចូរពន្យល់។

បានជាក្រសួងអប់រំ យុវជន និងកីឡាតម្រូវឲ្យមានការបញ្ជ្រាបជំងឺអេដស៍នៅក្នុងកម្មវិធីសិក្សាចំណេះដឹងទូទៅពីព្រោះ ដើម្បីឆ្លើយតបទៅនឹងគោលនយោបាយអប់រំរបស់ក្រសួងអប់រំ យុវជន និងកីឡា បានចែងថាការលើកម្ពស់សុខភាព យុវជនទាំងក្នុងប្រព័ន្ធ និងក្រៅប្រព័ន្ធ។

ជំងឺអេដស៍ជាជំងឺឆ្លង (ជំងឺសង្គម)

• អេដស៍ជាជំងឺកាចសាហាវ កើតហើយត្រូវតែស្លាប់ព្រោះគ្មានថ្នាំព្យាបាលទេ
• អេដស៍ឆ្លងពីបុគ្គលម្នាក់ទៅម្នាក់ទៀតតាមរយៈការរួមភេទ ការប៉ះពាល់ឈាម អ្នកជំងឺ
• អេដស៍ជាជំងឺបំផ្លាញសេដ្ឋកិច្ច គ្រួសារ និងសង្គមទាំងមូល។

យុវជននៅសាលាចំណេះទូទៅ (ងាយឆ្លង)

• ពួកគេចូលចិត្តសប្បាយ មិនគិតពីអនាគតវែងឆ្ងាយ
• យុវជន សិស្សទាំងស្រី ទាំងប្រុសចូលចិត្តប្រលែងលេងនឹងការរួមភេទ
• ពួកគេចូលចិត្តសេពគ្រឿងញៀន និងលេងល្បែងស៊ីសងហើយប្រព្រឹត្តិការរួមភេទ
• ជាវ័យងាយនឹងគ្រោះថ្នាក់ដោយ ជម្ងឺកាមរោគ និងជម្ងឺឱកាសនិយមផ្សេង។

បង្ការជំងឺអេដស៍

• គេយល់ច្បាស់ពីផលវិបាកនៃជំងឺអេដស៍
• ចេះការពារដោយប្រើស្រោមអនាម័យ
• មិនចេះរើសអើងអ្នកជំងឺ

ដូច្នេះការបញ្ជ្រាបជំងឺអេដស៍ នៅក្នុងកម្មវិធីសិក្សា ពិតជាមានសារៈសំខាន់ណាស់ សម្រាប់យុវជន ដើម្បីលើកកម្ពស់សុខភាព សេដ្ឋកិច្ចគ្រួសារ និងការអភិវឌ្ឍជាតិ។