តើនៅកម្ពុជាមានជនជាតិភាគតិចអ្វីខ្លះ? តើពួកគេរស់នៅ និងប្រកបរបរ ចិញ្ចឹមជីវិត ដូចម្ដេចខ្លះ?

នៅកម្ពុជាមានជនជាតិភាគតិចជាច្រើនដូចជា៖

• ជនជាតិចិន (ចូលមកប្រទេសកម្ពុជាមុនសម័យអង្គរ) ភាគច្រើនប្រកបរបរ ជាម្ចាស់ សណ្ឋាគារ ភោជនីយដ្ឋាន ហាងលក់ទំនិញ ពាណិជ្ជករ។
• ជនជាតិវៀតណាម (ចូលមកប្រទេសកម្ពុជាតាំងពីស.វទី១៦) ភាគច្រើនប្រកបរបរ ជាជាងសំណង់ ជាងម៉ាស៊ីន នេសាទត្រី។
• ជនជាតិចាម ភាគច្រើនប្រកបរបរជា អ្នកជួញដូរ នេសាទត្រី សត្តឃាត (គោ ក្របី) ឯស្ត្រីជាអ្នកតម្បាញ និងធ្វើឧបករណ៍នេសាទដូចជា ចាក់សំណាញ់ ធ្វើមង ឬអួន ជាដើម។
• ជនជាតិភាគតិចអំបូរមនខ្មែរ(មានព្នង ទំពូន កួយ គ្រឹង ព្រៅ ចារាយ ស្ទៀង កាវែត)ភាគច្រើនប្រកបរបរកសិកម្ម បេះផ្លែឈើ បរបាញ់សត្វ រកអនុផលព្រៃឈើ។