តើអ្នកប្រព្រឹត្តគ្រឿងញៀនមានផលប៉ះពាល់អ្វីខ្លះ ដល់ខ្លួន គ្រួសារ និងជាតិ ?

ការប្រើប្រាស់គ្រឿងញៀន បង្កអោយមានផលវិបាកអាក្រក់ខ្លួន គ្រួសារ និងសង្គមជាតិដូចជាៈ

ក. ចំពោះខ្លួនផ្ទាល់

• ខូចសុខភាព ( ទ្រុឌទ្រោម បាក់កំលាំង ចាស់មុនអាយុ )
• កើតជំងឺ ( ថ្លើម ក្រពះ ពោះវៀន រលាកស្រោមខួរក្បាល ពិសេសជំងឺមិនអាចព្យាបាលបាន គឺអេដស៍ )
• ខាតបង់ប្រាក់កាស ទ្រព្យសម្បត្តិ
• ខាតបង់ពេលវេលា បាត់បង់ការងារ ខាតបង់ការរៀនសូត្រ
• បាត់បង់កិត្តិយស សេចក្តីថ្លៃថ្នូរជាមនុស្ស
• ប៉ះពាល់ដល់ខួរក្បាល អាចក្លាយជាមនុស្សឆ្កួត ឡប់សតិ ងាយនឹងឆាប់ភ្លេចភ្លាំង
• មានចរិកកាចសាហាវ ឃោឃៅ ចូលចិត្តប្រើហិង្សាហានប្រព្រឹត្តចោរកម្ម ឆក់ប្លន់….
• ធ្វើអ្វីមួយគ្មានការពិចារណា
• បាត់បង់មនុស្សដែលជាទីស្រឡាញ់ របស់ខ្លួន និងមិត្តភក្តិអ្នកជិតខាង បាត់គ្រួសារ
• បាត់បង់ឱកាសល្អ ក្នុងជីវីត ខូចអនាគត អាចជាប់គុក រឺស្លាប់ខ្លួន

ខ. គ្រួសាររ

• បាត់បង់ធនធានមនុស្សក្នុងគ្រួសារ ( ជាអ្នករកប្រាក់ចំណូល ជាអ្នកផ្តល់ភាពកក់ក្តៅ ជាក្តីសង្ឃឹមនៅក្នុងគ្រួសារ )
• ខាតបង់ប្រាក់កាស ទ្រព្យសម្បត្តិ ខាតពេលវេលា
• បាត់បង់សេចក្តីថ្លៃថ្នូរ កិត្តិយសគ្រួសារ ( ពូជអំបូរ )
• បង្កអោយមានអំពើហិង្សាក្នុងគ្រួសារ ( កើតមានជំលោះផ្សេងៗ )

គ. សង្គមជាតិ

• បាត់បង់ធនធានមនុស្សក្នុងសង្គម បាត់បង់សេចក្តីថ្លៃថ្នូរ កិត្តិយសសង្គមជាតិ
• កើតមានអំពើអសន្តិសុខ ក្នុងសង្គមបាត់បង់សេចក្តីថ្លៃថ្នូរ កិត្តិយសសង្គមជាតិ
• កើតមានភាពអនាធិបតេយ្យ ច្របូកច្របល់ក្នុងសង្គម
• សង្គមគ្មានការរីកចម្រើន ជូបវិបត្តិក្រីក្រពឹងអាស្រ័យតែជំនួយពីបរទេស ។