តើអរម៉ូនមានឥទ្ធិពលទៅលើសារពាង្គកាយទាំងមូលដែរឬទេ ? ចូរឧទាហរណ៍បញ្ជាក់ ។

អរម៉ូន មិនមានឥទ្ធិពលទៅលើសារពាង្គកាយទាំងមូលទេ ។ អរម៉ូនមានឥទ្ធិពលនៅកន្លែងមួយដែលវាត្រូវការតែប៉ុណ្ណោះ​ ឧទាហរណ៍ រំញោចនៃការជញ្ជក់ដោះរបស់ទារក បានភ្ញោចក្រពេញអ៊ីប៉ូភីសអោយបញ្ចេញអរម៉ូន អុកស៊ីតូស៊ីន ។ អរម៉ូននេះធ្វើដំណើរតាមចរន្តឈាមម្ដាយ ហើយភ្ញោចកោសិកាសាច់ដុំវិញកោសិកាក្រពេញទឹកដោះ ។ នៅពេលកោសិកាសាច់ដុំកន្រ្តាក់វាធ្វើអោយក្រពេញទឹកដោះ បញ្ចេញទឹកដោះតាមរន្តតូចៗនៅចុងដោះ ។

ដូចនេះ អរម៉ូនអុកស៊ីតូស៊ីនភ្ញោចកោសិកាគោលដៅ (កោសិកាសាច់ដុំ) អោយធ្វើចលនា ដើម្បីជម្រុញកោសិកាក្រពេញទឹកដោះអោយផលិតទឹកដោះ ។