តើសូរ្យគ្រាស និងចន្ទគ្រាសខុសគ្នាដូចម្តេច ? ហេតុអ្វីបានជាបាតុភូតនេះមិនកើតឡើងរាល់ថ្ងៃ ?

សូរ្យគ្រាស និងចន្ទគ្រាសខុសគ្នាដូចតទៅ ៖

• សូរ្យគ្រាសកើតឡើងនៅពេលថ្ងៃគឺនៅពេលដែលព្រះចន្ទ នៅចន្លោះផែនដី​ និងព្រះអាទិត្យហើយស្រមោលរបស់ព្រះចន្ទចោលមកលើផែនដី ។
• ចន្ទគ្រាសកើតឡើងនៅពេលយប់គឺនៅពេលដែលផែនដីនៅចន្លោះព្រះអាទិត្យ និងព្រះចន្ទហើយស្រមោលរបស់ផែនដីចោលមកលើផ្ទៃព្រះចន្ទ  ​ ។

បានជាបាតុភូតនេះមិនកើតឡើងរាល់ថ្ងៃ ព្រោះគន្លងរបស់ព្រះចន្ទជុំវិញផែនដីទ្រេតប្រហែល ៥ដឺក្រេ ពីគន្លងបង្កើតដោយផែន​ដីជុំវិញព្រះអាទិត្យ ។ ការទ្រេតនេះគឺល្មមគ្រប់គ្រាន់ឲ្យទីតាំងព្រះចន្ទចេញពីស្រមោលផែនដីនៅពេលខែពេញវង់ និងភពផែនដីចេញពីស្រមោលព្រះចន្ទនៅពេលខែដាច់  ។