តើសិលាកម្ទេចកំណមានលក្ខណៈដូចម្តេច ? ហើយសិលាកម្ទេចកំណនេះមានដើមកំណើតដូចម្តេច ? រួចចុះតើកម្ទេចកំណជាអ្វី និងដើមកំណើតរបស់វា ?

សិលាកម្ទេចកំណមានលក្ខណៈជាស្រទាប់ៗ ហើយសិលានេះមានដើមកំណើតពីស្រទាប់កម្ទេចកំណដែលផ្សាភ្ជាប់គ្នាក្រោមអំពើនៃសម្ពាធដ៏ខ្លាំងក្លានិង ពេលវេលាជាច្រើនលាន ឆ្នាំ។ក្នុងចំណោមសិលាកម្ទេចកំណ គេឃើញ មានថ្មកំបោរ ដីឥដ្ឋ…។ រីឯកម្ទេចកំណជាភាគល្អិតនៃដីឬសិលាដែលទឹកស្ទឹងឬទឹកទន្លេហូរទៅចាក់នៅបាតបឹង ឬនៅបាតសមុទ្រ ។ កម្ទេចកំណមានដើមកំណើតពីសំលឹកនៃសិលាផ្សេងៗដូចជាសិលាម៉ាក់ម៉ា (ថ្មក្រានីត បាសាល់…) សិលាកម្ទេចកំណជាដើម។កម្ទេចកំណក៏អាចជាកម្ទេចសារពាង្គកាយភាវៈរស់ដូចជាសំបក សិប្បីសត្វ។