តើសិទ្ធិ និងករណីកិច្ចរបស់អ្នកសិក្សាត្រូវមានអ្វីខ្លះ ? ចូររៀបរាប់ ។

សិទ្ធិរបស់អ្នកសិក្សារួមមានដូចតទៅ៖

• សិទ្ធិបញ្ចេញទស្សនៈសិក្សាដោយសេរី
• សិទ្ធិមានសេរីភាពខាងសិក្សា
• សិទ្ធិទទួលបានការអប់រំប្រកបដោយគុណភាព
• សិទិ្ធប្រមូលផ្តុំនៃការសិក្សា ឬក្លឹបនៃអ្នកសិក្សាក្នុងគោលបំណងសម្រាប់ការអប់រំ
• សិទ្ធិពិនិត្យមើលនិងចម្លងកំណត់ត្រាផ្ទាល់ខ្លួនស្តីពីការអប់រំ
• សិទ្ធិចូលរួមយ៉ាងសកម្ម និងពេញលេញនៅក្នុងការអភិវឌ្ឍន៍ស្តង់ដារអប់រំថ្នាក់គ្រឹះស្ថានសិក្សា​ និងថ្នាក់ជាតិដោយផ្ទាល់ឬតាមរយៈតំណាងរបស់ខ្លួន
• សិទ្ធិទទួលបានការគោរព និងការយកចិត្តទុកដាក់ចំពោះសិទ្ធិមនុស្សជាពិសេសចំពោះសិទ្ធិមានសេចក្តីថ្លៃថ្នូរ សិទ្ធិរួចផុតពីអំពើទារុណកម្មឬការដាក់ទណ្ឌកម្មលើរាងកាយនិងផ្នែកស្មារតី

ករណីកិច្ចរបស់អ្នកសិក្សាមានដូចតទៅ៖

• គោរពបទបញ្ជាផ្ទៃក្នុងរបស់គ្រឹះស្ថានសិក្សា តម្លៃខាងស​មធម៌យេនឌ័រដោយអនុវត្តសិទ្ធិរបស់ខ្លួនប្រកបដោយស្មារតីទទួលខុសត្រូវ និងគោរពសិទ្ធិអ្នកដទៃ
• ខិតខំសិក្សាឲ្យអស់ពីលទ្ធភាពរបស់ខ្លួន ដើម្បីទទួលការអភិវឌ្ឍន៍ចំណេះដឹង ជំនាញ បញ្ញានិងសេចក្តីថ្លៃថ្នូរ ។