តើសិទ្ធិចូលរួមរបស់ប្រជាពលរដ្ឋនៅក្នុងរដ្ឋធម្មនុញ្ញមានអ្វីខ្លះ ?

រដ្ឋធម្មនុញ្ញនៃព្រះរាជាណាចក្រ​កម្ពុជាបានចែងស្តីអំពីសិទ្ធិ និងករណីយកិច្ចរបស់ប្រជាពលរដ្ឋខ្មែរដូចជា៖

• ប្រជាពលរដ្ឋខ្មែរ ទាំងពីរភេទមានសិទ្ធិបោះឆ្នោត និងអាចឈរឈ្មោះឲ្យគេបោះឆ្នោត ។
• ប្រជាពលរដ្ឋខ្មែរទាំងពីរភេទមានសិទ្ធិចូលរួមយ៉ាងសកម្ម ក្នុងជីវៈភាពនយោបាយ សេដ្ឋកិច្ចសង្គម និងវប្បធម៌របស់ប្រទេសជាតិ ។ សេចក្តីស្នើ៍ទាំងឡាយ របស់ប្រជាពលរដ្ឋត្រូវបានទទួលការពិនិត្យ និងដោះស្រាយយ៉ាងហ្មត់ចត់ពីអង្គការរដ្ឋ ។
• សិទ្ធិធ្វើកូដកម្ម និងធ្វើបាតុភូតដោយ សន្តិវិធីត្រូវយកមកអនុវត្តនៅក្នុងក្របខណ្ឌនៃច្បាប់
• ប្រជាពលរដ្ឋខ្មែរមានសេរីភាពខាងការបញ្ចេញមតិរបស់ខ្លួនសេរីភាពសារព័ត៌មានសេរីភាពខាងបោះពុម្ភផ្សាយ សេរីភាពខាងការប្រជុំ….
• ប្រជាពលរដ្ឋខ្មែរមានសិទ្ធិ បង្កើតសមាគមន៍​និងគណបក្សនយោបាយ ។ សិទ្ធិនេះត្រូវកំណត់ដោយច្បាប់
• ការរើសអើងគ្រប់ប្រភេទ ប្រឆាំងនឹងស្រ្តីភេទត្រូវបំបាត់ចោល ។ ការធ្វើអាជីវកម្មលើការងាររបស់ស្រ្តីត្រូវហាមឃាត់ ។ បុរស និងស្រ្តីមានសិទ្ធិស្មើគ្នាក្នុងគ្រប់វិស័យទាំងអស់…. ។