តើសត្វនិងរុក្ខជាតិអ្វីខ្លះជានិមិត្តរូបនៃកម្ពុជា ?

គណៈរដ្ឋមន្រ្តីបានធ្វើការអនុម័តកាលពីថ្ងៃទី ២៥​ កុម្ភៈ ឆ្នាំ ២០០៥ ទៅលើសេចក្តីព្រៀងព្រះរាជក្រឹត្យស្តីពីការជ្រើសរើសសត្វ និងរុក្ខជាតិសម្រាប់ជានិមិត្តរូបនៃប្រទេសកម្ពុជាដែលការជ្រើសរើសនេះត្រូវបានរៀបចំដោយក្រសួងកសិកម្មរុក្ខាប្រមាញ់ និងនេសាទ ។ សត្វ និងរុក្ខជាតិជានិមិត្តរូបនៃកម្ពុជា គឺមាន៧ប្រភេទ ៖

• ប្រភេទសត្វចតុប្បាទៈ សត្វគោព្រៃ
• ប្រភេទបក្សីៈ សត្វត្រយង
• ប្រភេទឧរង្គសត្វៈ អណ្តើកសរសៃ( អណ្តើកហ្លួង )
• ប្រភេទមច្ឆាៈ ត្រីគល់រាំង
• ប្រភេទរុក្ខជាតិៈ ដើមត្នោត
• ប្រភេទផ្កាៈ ផ្ការំដួល
• ប្រភេទផ្លែឈើៈ ផ្លែចេកពងមាន់ ។