តើលក្ខណៈនៃភាវៈ “អនិច្ចំ ទុក្ខំ អនត្តា” មានន័យយ៉ាងដូចម្តេច? ចូរពន្យល់។

ពាក្យ “អនិច្ចំ ទុក្ខំ អនត្តា” ជាពាក្យដែលគេប្រើប្រាស់សំរាប់បញ្ជាក់លក្ខណៈនៃភាវៈទូទៅ និងជាទស្សនៈមូលដ្ឋានទ្រទ្រង់លទ្ធិពុទ្ធនិយមហើយជាខ្លឹមសារធ្វើអោយលទ្ធិពុទ្ធនិយមមានតម្លៃផ្ទាល់ខ្លួនលើលទ្ធិដទៃទៀត។

• អនិច្ចំ៖ សេចក្តីមិទៀង ព្រោះមានការប្រែប្រួលជាធម្មតា (កើត ចាស់ វិនាសមិនទៀងទាត់)។
• ទុក្ខំ៖ ជាទុក្ខ ឬនាំមកនូវទុក្ខ ព្រោះមានការព្រួយលំបាក មិនចេះអស់ មិនចេះហើយ ឲ្យតែមានរូបនិងនាម គឺតែងតែមានទុក្ខជានិច្ច។
• អនត្តា៖ មិនមែនជារបស់ខ្លួន(ព្រោះមិនស្តាប់បង្គាប់ខ្លួន មិនលុះក្នុងអំណាចចិត្ត ឬមិនមានខ្លឹមសារ) រូប វេទនា សញ្ញា វិញ្ញាណ សុទ្ធតែមិនមែនជារបស់ខ្លួន។