តើរលកសូរ មានឥទ្ធិពលលើផ្នែកផ្សេងៗនៃត្រចៀកដូចម្តេច ?

ស្លឹកត្រចៀកប្រមូលផ្តុំរលកសូរ ហើយបំពងសោតវិញ្ញាណដឹកនាំរលកសូរទៅកាន់ត្រចៀកកណ្តាលដោយឆ្លងកាត់ ក្រដាសត្រចៀក ។ ក្រដាសត្រចៀកញ័រ ហើយលំញ័រនេះត្រូវបានដឹកនាំឆ្លងកាត់ត្រចៀកកណ្តាលឆ្អឹងតូចៗ៣ ។ បន្ទាប់មកឆ្អឹងតូចទី៣ ញ័រផ្ទប់និងភ្នាសស្តើងនៃបង្អួចរាងពងក្រពើ ។ លំញ័ររបស់ភ្នាសនេះធ្វើឲ្យធាតុរាវនៃបំពងរាងគូទខ្យងញ័រ ដែលបណ្តាលឲ្យរោមល្អិតៗនៃកោសិកាធ្មួលក្នុងបំពងរាងគូទខ្យងញ័រ ។ បន្ទាប់មកកោសិកាធ្មួលប្តូរលំញ័រឲ្យទៅអាំងភ្លុចប្រសាទ ។