តើព្រះពុទ្ធសាសនាជាអ្វី ?

ព្រះពុទ្ធសាសនា ជាសាសនាវិទ្យាសាស្រ្ដដោយសាសនានេះដោយបង្រៀនមនុស្សដោយយកហេតុនិងផលជាគោល ឬថាជាសាសនាតថនិយមពីព្រោះមិនឲ្យជឿលើខ្មោច ព្រាយបិសាច ទេវតា ឬអាទិទេពណាក្រៅពីហេតុ និង ផលដែលមានខ្លួនឯងជាដើមចមនោះទេ។ សាសនានេះក៏បានបង្រៀនឲ្យយល់ដឹងច្បាស់នូវសភាពពិតនៃវត្ថុធាតុ និងលោកធាតុសម្រាប់យកទៅអនុវត្តក្នុងជីវិតប្រចាំថ្ងៃដើម្បីបានសេចក្ដីសុខ និងវឌ្ឍន៍ភាពនោះទើបគេហៅសាសនានេះថា ជាទស្សនវិជ្ជាផងដែរ។