តើនិមុត្តិធានាមានទម្រង់បែបណាខ្លះ ហើយត្រូវបានតម្រូវឲ្យតម្កល់ក្នុងកាលៈទេសៈណាខ្លះ ?

យោងបញ្ញត្តិមាត្រា ៤១ នៃច្បាប់ស្តីពីគយនិងប្រកាសលេខ ១១២ សហវ.ប្រក ចុះថ្ងៃទី ១៥ ខែ កុម្ភៈ ឆ្នាំ ២០០៨ និមុត្តិធានាអាចមានទម្រង់ជា៖

• សាច់ប្រាក់ឬមូលប្បទានប័ត្រដែលមានការបញ្ជាក់ពីធនាគារ
• ប័ណ្ណធានាឬនិមុត្តិធានាដែលចេញដោយធានាគារ ក្រុមហ៊ុនធានារ៉ាប់រងឬស្ថាប័ន
• លិខិតុបករណ៍តាមទម្រង់ផ្សេងទៀតដែលមានការយល់ព្រមពីអគ្គនាយកដ្ឋានគយ និងរដ្ឋាករកម្ពុជា

និមុត្តិធានា អាចតម្រូវឲ្យតម្កល់ក្នុងកាលៈទេសៈដូចតទៅ៖

• ការយកទំនិញចេញពីគយមុនពេលបង់ពន្ធនិងអាករ
• ការចរាចរទំនិញក្នុងរង្វង់ឬឆ្លងកាត់ដែនគយក្រោមរបបឆ្លងកាត់
• ការប្រកបធុរកិច្ចជាជើងសារគយ ប្រតិបត្តិករភណ្ឋាគារគយមានដែនកំណត់និងប្រតិកបត្តិករកន្លែងសន្ធិគយបណ្តោះអាសន្ន
• ការនាំចូល និងនាំចេញទំនិញជាបណ្តោះអាសន្ន
• ការយកទំនិញចេញពីគយដោយរងចាំសេចក្តីសម្រេចលើការតវ៉ា ឬលើទំនិញដែលត្រូវបានឃាត់ទុកជាបណ្តោះអាសន្ន
• កាលៈទេសៈផ្សេងទៀតតាមដែលតម្រូវដោយរដ្ឋបាលគយ ។