តើក្នុងនាមជាគ្រូបង្រៀនម្នាក់ត្រូវមានករណីយកិច្ចចំពោះអ្នកសិក្សា និងអាណាព្យាបាលដូចម្ដេចខ្លះ?

ក្នុងនាមជាគ្រូបង្រៀនម្នាក់ត្រូវមានករណីយកិច្ចចំពោះអ្នកសិក្សា និងអាណាព្យាបាលដូចជាៈ

• យកចិត្តទុកដាក់ក្នុងការពន្យល់ ការបកស្រាយ និងសម្របសម្រួលដល់អ្នកសិក្សានូវចំណេះដឹងនានា ស្របតាមមុខវិជ្ជា ឬឯកទេសរបស់ខ្លួន
• ជួយអ្នកសិក្សា ជួយបង្រៀនបន្ថែមដល់អ្នកសិក្សារៀនយឺត ដោយមិនរើសអើង
• ដឹកនាំសកម្មភាពសិក្សាក្នុងថ្នាក់ និងក្រៅថ្នាក់ និងលើកទឹកចិត្តដល់អ្នកសិក្សាជាប់ជាប្រចាំ
• បង្រៀនដោយមិនត្រូវដាក់សម្ពាធយកប្រយោជន៍លើអ្នកសិក្សាឡើយ
• ជួយសម្រួលដល់អ្នកសិក្សាក្នុងការទទួលបានផលប្រយោជន៍សង្គមដោយមិនលម្អៀង
• ជៀសវាងប្រព្រឹត្តសកម្មភាពខុសច្បាប់ដែលនាំឲ្យមានការប៉ះពាល់ដល់ការបង្រៀន ការរៀន និងការប្រឡងរបស់អ្នកសិក្សាឡើយ ។