ដើម្បីឲ្យជីវិតអាវាហ៍វិវាហ៍មានតម្លៃ តើអ្នកត្រូវបំពេញលក្ខខណ្ឌអ្វីខ្លះមុនពេលរៀបមង្គលការ?

ដើម្បីឲ្យជីវិតអាវាហ៍វិវាហ៍មានតម្លៃ អ្នកត្រូវបំពេញលក្ខខណ្ឌមួយចំនួនមុនពេលរៀបមង្គលការ​​​​   ដូចជា៖

លក្ខខណ្ឌរួម

• មានសុខភាពល្អ កាយសម្បទាមាំមួន
• មានមុខរបរ មានធនធានមួយកម្រិត
• មានកម្រិតវប្បធម៌ចុះសម្រុងនឹងសង្គម
• ចេះយោគយល់ អធ្យាស្រ័យគ្នា
• មានការទទួលខុសត្រូវខ្ពស់រវាងគ្នានិងគ្នា
• មានការទទួលស្គាល់ពីឪពុកម្តាយទាំងសងខាង
• បំពេញកិច្ចសន្យាចំពោះសង្គមតាមផ្លូវច្បាប់
• ស្មោះត្រង់ចេះរួមសុខទុក្ខជាមួយគ្នា
• មិនបំពានអេដស៍ ឬចម្លងរោគសង្គម
• ស្គាល់ពីចំណង់ចំណូលចិត្តរវាងគ្នានិងគ្នា។

សម្រាប់ស្វាមីត្រូវ

• ស្រឡាញ់ស្មោះ ប្រើសម្តីផ្អែមល្ហែមរកប្រពន្ធ
• មិនមើលងាយភរិយាដូចជាទាសាទាសី
• មិនត្រូវមានចិត្តក្បត់ វៀបវេ ប្រចណ្ឌ
• ប្រគល់តំណែងជាស្រី្តមេផ្ទះពេញលក្ខណៈ
• ផ្តល់គ្រឿងអលង្ការផ្សេងៗតាមការគួរ។

សម្រាប់ភរិយាត្រូវ

• ត្រៀមម្ហូបអាហារតម្រូវតាមពេលវេលា
• រាប់អានញាតិទាំងសងខាងដោយស្មោះស្មើ
• រក្សាទ្រព្យដែលស្វាមីរកបានឲ្យបានគង់វង្ស
• មិនក្បត់ចិត្តស្វាមី ឬមានសាហាយស្មន់
• ពូកែក្នុងការចាត់ចែង ឧស្សាហ៍ព្យាយាម៕