ដូចម្តេចហៅថា ចលនាព្រាហ្មណ៍និយម ពុទ្ធនិយម ខេមរនិយម និងបរទេសនិយម?

ចលនាព្រាហ្មណ៍និយម ពុទ្ធនិយម ខេមរនិយម និងបរទេសនិយម

• ចលនាអក្សរសិល្ប៍ព្រាហ្មណ៍និយម គឺជាអត្ថបទរឿងរ៉ាវផ្សេងៗ ដែលទាក់ទងទៅនឹងបទលទ្ធិសាសនាព្រាហ្មណ៍។
• ចលនាអក្សរសិល្ប៍ពុទ្ធនិយម គឺជាអត្ថបទរឿងរ៉ាវផ្សេងៗ ដែលទាក់ទងនឹង ការលើកយកទ្រឹស្តីពុទ្ធសាសនាធ្វើជាគោល ហើយទ្រឹស្តីទាំងនោះស្ថិតនៅក្នុង គម្ពីរព្រះត្រៃបិតក ដែលអ្នកនិពន្ធលើកយកបញ្ចូលបុណ្យបាប ផលល្អអាក្រក់ របស់តួរអង្គមកចោទ និងដោះស្រាយ។
• ចលនាអក្សរសិល្ប៍ខេមរនិយម ជារឿងបែបមនុស្សលោកិយ ជារឿងរបស់ជាតិខ្មែរដែលយកសង្គមារម្មណ៍ មកចោទ និងដោះស្រាយទៅតាមប្រយោជន៍នៃសង្គមជាតិក្នុង គោលបំណងណែនាំ ខេមរជនឲ្យស្រលាញ់អំពើល្អ ស្អប់និងជៀសវាងអំពើរអាក្រក់។
• ចលនាអក្សរសិល្ប៍បរទេសនិយម គឺជាអក្សរសិល្ប៍ដែលអ្នកនិពន្ធ លើកយករឿងបរទេសផ្សេងៗ មកបកប្រែជាភាសាជាតិ ឬនិព្ធដោយចម្លងតាម ដោយរក្សាទុកទំនៀមទំលាប់ប្រពៃណី លក្ខណៈរបស់បរទេសសុទ្ធសាធ។