ដូចម្តេចដែលហៅថា ទំនៀមទម្លាប់ ? វប្បធម៌ ? អរិយធម៌ ?

និយមន័យៈ

• ទំនៀមទម្លាប់ គឺជាទង្វើដែលធ្វើក្នុងជីវភាពប្រចាំថ្ងៃតៗ គ្នានៅក្នុងសង្គមនាំឲ្យយើងហៅថាទម្លាប់
• វប្បធម៌ គឺជាទំនៀមទម្លាប់ដែលយើងប្រតិបត្តិជាប្រចាំថ្ងៃនៅក្នុងសង្គមតៗគ្នា ហើយវាកើតឡើងជាប់នៅក្នុងសង្គមមួយ នាំឲ្យកើតចេញជាវប្បធម៌
• អរិយធម៌ គឹជាភាពទំនើប ភាពប្រសើរ ខ្ពង់ខ្ពស់របស់វប្បធម៌ ហៅអរិយធម៌  ។

ឧទាហរណ៍ៈ  នៅក្នុងសង្គមខ្មែរព្រះមហាក្សត្រមានទម្លាប់កសាងប្រាសទដើម្បីឧទ្ទិសដល់ព្រះអាទិទេពផ្សេងៗ ។ ការកសាងប្រាសាទ​របស់ព្រះមហាក្សត្រពីមួយអង្គទៅមួយអង្គបានក្លាយទៅជាវប្បធម៌នៃការកសាងប្រាសាទដើម្បីឧទ្ទិសដល់ព្រះអាទិទេព ។ ដោយសារការកសាងប្រាសាទនេះមានភាពល្អ ភាពខ្ពង់ខ្ពស់ប្រសើរនេះដែលស្តេចមួយអង្គមិនអាចធ្វើដូចស្តេចមួយអង្គទៀតបានហៅថាអរិយធម៌នៃការកសាងប្រាសាទ ។

ទំនៀមទម្លាប់ ប្រពៃណី វប្បធម៌និងអរិយធម៌កើតនៅគ្រប់កន្លែងនិងគ្រប់ពេលវេលា ។ ទាំងអស់នេះមិនអាចឈប់នៅមួយកន្លែងនោះទេ គឺវាមានដំណើរវិវត្តន៍ជានិច្ច ។