ជំពូក៤៖ អាហារនិងការរំលាយអាហាររបស់មនុស្យ , មេរៀនទី១៖ អាហារ (មេរៀនសង្ខេប សំណួរ ចម្លើយ)

ជំពូក៤៖ អាហារនិងការរំលាយអាហាររបស់មនុស្យ

មេរៀនទី១៖ អាហារ

មេរៀនសង្ខេប

• សារពាង្គកាយត្រូវការអាហារ ព្រោះអាហារផ្ទុកសារធាតុចិញ្ចឹម
• សម្រាប់ផ្ដល់ថាមពល ការលូតលាស់ និងសម្រាប់ដំណើរការប្រព្រឹត្តទៅរបស់កោសិកា។
• សារធាតុចិញ្ចឹមមាន គ្លុយស៊ីត លីពីត ប្រូទីត ទឹក អំបិលខនិជ និងវីតាមីន ។
• គ្លុយស៊ីតសំខាន់ៗមាន អាមីដុងនិងសែលុយឡូស។ វាជាអាហារត្រីះនិងជាប្រភពថាមពល ។
• លីពីត ជាប្រភពថាមពលដ៏ចម្បង។ លីពីតរុក្ខជាតិមិនបង្កគ្រោះថ្នាក់ដល់មនុស្សទ ។
• ប្រូតេអ៊ីនមាននាទីសម្រាប់លូតលាស់ ជួសជុលកោសិកាចាស់ៗ ផលិត
• អង់ស៊ីម និងបង្កើតអង់ទីករ ។ ចំពោះមនុស្សចាស់ ប្រូតេអ៊ីនបានពីរុក្ខជាតិមានលក្ខណៈប្រសើរជាងប្រូតេអីនសត្វ ។
• ទឹកមាននាទីសំខាន់សម្រាប់សារពាង្គកាយ ការហូបទឹកច្រើនជំនួសការបាត់បង់ទឹកពីសារពាង្គកាយធ្វើឱ្យសារពាង្គកាយមានសុខភាពល្អនិងបាត់ជាតិពុលផ្សេងៗ ។
• អំបិលខនិជនិងវីតាមីនមាននាទីសំខាន់ដូចទឹកដែរ ។ ថ្វីត្បិតតែវាមានបរិមាណតិចតួចក្នុងសារពាង្គកាយតែកង្វះរបស់វានាំឱ្យកើតជំងឺ ។
• សារធាតុចិញ្ចឹម ផ្តល់តម្លៃថាមពលខុសៗគា្ន លើកលែងតទឹក អំបិលខនិជ និងវីតាមីន ។

សំណួរ ចម្លើយ ជីវវិទ្យា ថ្នាក់ទី១១

• ចូរប្រៀបធៀបអាមីដុង និងគ្លីកូសែន ។
• តើប្រេងនិងខ្លាញមានលក្ខណៈខុសគ្នាដូចម្តេច ?
• ដូចម្តេចដែលហៅថា អាមីណូអាស៊ីតគ្រឹះ ?
• តើវិតាមីនមាននាទីអ្វីខ្លះ ?
• តើការបរិភោគវីតាមីននិមិត្ត (ផលិតដោយមនុស្ស) ច្រើនធ្វើឲ្យសារពាង្គកាយយើងលូតលាស់ឬទេ ?
• តើវិតាមីនធម្មតាមាននៅឯណា ?
• តើត្រូវធ្វើដូចម្តេច ដើម្បីឲ្យសារពាង្គកាយមានតុល្យភាពនិងមានសុខភាពល្អ ?

ប្រភព៖ សៀវភៅសិក្សាគោលជីវវិទ្យាថ្នាក់ទី១១