Khmerrean.com

Tel: 093 561625

Working: 8.00 AM - 5.00 PM

ជំពូកទី ១ ចំណងទាក់ទងជាមួយអ្នកដទៃ មេរៀនទី ១ ការគោរពអ្នកដទៃ

ជំពូកទី ចំណងទាក់ទងជាមួយអ្នកដទៃ

មេរៀនទី ការគោរពអ្នកដទៃ

មេរៀនសង្ខេប សីលធម៌ ពលរដ្ឋវិជ្ជា ថ្នាក់ទី៩

មនុស្សយើងរស់នៅ រមែងតែងចង់បានកិត្តិយសនិងសេចក្តីថ្លៃថ្នូរ។ ដើម្បីបានសេចក្តីថ្លៃថ្នូរប្រកបដោយ​សុខសុវត្តិភាព ការរស់នៅរបស់យើងត្រូវតែប្រកាន់ខ្ជាប់នូវឥរិយាបថវិជ្ជមាន លប់បំបាត់ឱ្យអស់ឥរិយាបថ​អវិជ្ជមានដែលជាមូលដ្ឋាននាំឱ្យបាត់បងផលប្រយោជន៍ខ្លួនឯង និងសហគមន៍។ ការគោរពសិទ្ធិគ្នា និងឱ្យ​តម្លៃ​គា្នទៅវិញទៅមក គឺមិនមានភាពរើសអើង មិនប្រកាន់បក្សពួក។ ផ្ទុយមកវិញ ការប្រកាន់នូវភាពរើស​អើងជាតិសាសន៍ សាសនា ជីវភាពការងារ ឬការញុះញង់ឱ្យមានការរើសអើង ទោះបីតាមរយៈរូបភាព​ណាមួយក៏ដោយ ដូចជាពាក្យសម្ដី ការផ្សព្វផ្សាយដោយសំណេរ ឬរូបភាពគំនូរ ឬមធ្យោបាយ​ទូរគមនាគមន៍ វាប្រាកដជានឹងធ្វើឱ្យកើតមានជាទំនាស់ផ្សេងៗ ទាំងផ្លូវកាយទាំងផ្លូវចិត្ត ហើយក្លាយជាជម្លោះ ជាពិសេសផលប៉ះពាល់ដល់សេចក្តីថ្លៃថ្នូររបស់បុគ្គល ឬក្រុមណាមួយជាក់ជាមិនខាន។

អាស្រ័យហេតុនេះ ទើបបណ្តាប្រទេសទាំងអស់ក្នុងសកលលោក ដោយឡែកព្រះរាជាណាចក្រកម្ពុជា​យើង ​បាន​បង្កើតច្បាប់ដើម្បីផ្ដន្ទាទោស និងពិន័យជាប្រាក់ដល់ជនណាដែលបង្កឱ្យមានបទល្មើសផ្សេងៗ ដូចជា បទល្មើសទាក់ទងនឹងការរើសអើងជាដើម ក្នុងគោលបំណងរក្សាការពារកិត្តិយស សេចក្តីថ្លៃថ្នូរ និងប្រយោជន៍ផ្សេងៗរបស់បុគ្គល ក្រុម ឬស្ថាប័នសាធារណៈ។

សំណួរ និងចម្លើយ

  • តើឥរិយាបថអវិជ្ជមានបណ្ដាលមកពីមូលហេតុអ្វី?
  • តើការរស់នៅប្រកបដោយឥរិយាបថវិជ្ជមាន មានសារប្រយោជន៍ដល់ខ្លួនឯង និងសហគមន៍?
  • ដូចម្តេចដែលហៅថាតម្លៃរបស់មនុស្ស?
  • តើធ្វើដូចម្តេចដើម្បីឱ្យក្លាយជាមនុស្សមានតម្លៃ?
  • ហេតុអ្វីបានជាពលរដ្ឋខ្មែរចូលចិត្តគោរព និងស្រឡាញ់ហើយទុកជាទីសក្ការៈ ចំពោះព្រះបាទសម្តេចព្រះនរោត្តមសីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ?
  • ចូរឱ្យនិយមន័យឥរិយាបថ។ តើអ្វីជាឥរិយាបថវិជ្ជមាន?
  • ដូចម្តេចដែលហៅថា ឥរិយាបថអវិជ្ជមាន?
  • តើឥរិយាបថអវិជ្ជមាន ធ្វើឱ្យមានផលប៉ះពាល់អ្វីខ្លះដល់ខ្លួនឯង និងសហគមន៍?
  • ចូរបង្ហាញពីសកម្មភាពដែលជាឥរិយាបថវិជ្ជមាន។
  • ចូររៀបរាប់ពីលក្ខណៈនៃការរើសអើងផ្នែកជីវភាពរបស់មនុស្ស។
  • តើការរើសអើងដែលអនុញ្ញាតដោយច្បាប់មានអត្ថន័យ និងលក្ខណៈដូចម្តេច?
  • តើការមិនរើសអើងចំពោះជីវភាពមានន័យដូចម្ដេច? ចូរពន្យល់។
  • តើត្រូវធ្វើដូចម្ដេច ដើម្បីឱ្យអ្នកដទៃស្រឡាញ់រាប់អាន?
  • ហេតុអ្វីបានជាគេបង្កើតអង្គការ សមាគម?
  • តើបទល្មើសទាក់ទង និងការរើសអើងមានអ្វីខ្លះ?
  • តើដូចម្តេចដែលហៅថាការញុះញង់?
  • តើការផ្ដន្ទាទោសនិងការពិន័យជាប្រាក់ចំពោះការញុះញង់ឲ្យមានការរើសអើងមានលក្ខណៈដូចម្ដេច?

 

ប្រភព៖ សៀវភៅសីលធម៌ ពលរដ្ឋវិជ្ជា ក្រសួងអប់រំ យុវជន និងកីឡា

មេរៀនទី ១ ការគោរពអ្នកដទៃ

វាយតម្លៃ ផ្តល់មតិយោបល់ ដើម្បីយើងខ្ញុំធ្វើការកែលម្អ។

សូម ចុះឈ្មោះ ដើម្បីផ្តល់មតិយោបល់
ចុះឈ្មោះ: 162
មេរៀន: 17