ជំពូកទី៧៖ ពពួកនិងសាហគមន៍ , មេរៀនទី២៖ អន្តរអំពើក្នុងចំណោមភាវៈរស់

ជំពូកទី៧៖ ពពួកនិងសាហគមន៍

មេរៀនទី២៖ អន្តរអំពើក្នុងចំណោមភាវៈរស់

មេរៀនសង្ខេប

+ការសម្របសម្រួលរបស់ភាវៈរស់ទៅនឹងមជ្ឈដ្ឋាន ដើម្បីរស់រៀននិងបង្កើតកូនចៅជំនាន់ក្រោយហើយថាបន្សាំ ។

+សត្វនិងរុក្ខជាតិមានលក្ខណៈបន្សាំផ្សេងៗគ្នាហៅថារបៀបរស់ ។

+ការប្រយុទ្ធរវាងសារពាង្គកាយដើម្បីប្រើប្រាស់ប្រភពរួមមួយដូចគ្នា ក្នុងរបៀបរស់ហៅថាប្រការប្រកួតប្រជែង ។ ប្រកួតប្រជែងមាន 2 ប្រភេទគឺ ការប្រកួតប្រជែងក្រុម និងអន្តរក្រុម ។

+ដំណើរដែលសារពាង្គកាយមួយស៊ីសារពាង្គកាយមួយទៀតយកអាហារហៅថា ការចាប់រំពា ។ សត្វដែលស៊ីសត្វមួយទៀតហៅថាសត្វរំពាឯសត្វដែលត្រូវគេស៊ីហៅថារំពា ។

+ទាំងសត្វរំពានិងរំពាសុទ្ធតែមានលក្ខណៈបន្សាំសម្រាប់ចំណីនិងគេចពីសត្រូវ ។

+សហប្រាណជាទំនាក់ទំនងរវាងភាវៈរស់ពីប្រភេទ ដែលរស់នៅយ៉ាងជិតស្និទ្ធនឹងគ្នា ។ សហប្រាណមានបីប្រភេទគឺភាពប្រជួយ ភាពបន្លម និង បរាសិតភាព ។

+ភាពប្រជួយជាទំនាក់ទំនងរវាងប្រភេទ 2 ដែលទទួលផលស្មើគ្នា ។

+ភាពបន្លមជាទំនាក់ទំនងសហប្រាណមួយរវាងសារពាង្គកាយពីរ ដែលសារពាង្គកាយមួយបានទទួលផលហើយសារពាង្គកាយមួយទៀតមិនបានទទួលផល តែក៏មិនខាតផងដែរ ។

+បរាសិតភាព ជាសហប្រាណរវាងសារពាង្គកាយពីរ ដែលសារពាង្គកាយមួយទទួលផលហើយធ្វើឲ្យសារពាង្គកាយមួយទៀតវិនាស ។

សំណួរ

• តើបន្សាំជាអ្វី ? ចំពោះភាវះរស់ តើបន្សាំមានសារះសំខាន់ដូចម្ដេច ?
• ដូចម្ដេចដែលហៅថា របៀបរស់ ? តើរបៀបរស់មានអ្វីខ្លះ ?
• ដូចម្ដេចដែលហៅថា សត្វរំពានិងរំពា ? តើរំពានិងសត្វរំពាមានទំនាក់ទំនងគ្នាដូចម្ដេច ?
• ចូរប្រៀបធៀប ភាពប្រជូយ និង ភាពបន្លម ?
• ចូរអោយនិយមន័យសហប្រាណ ? តើសហប្រាណមានប៉ុន្មានប្រភេទ ? អ្វីខ្លះ ?
• ចូរប្រៀបធៀប សត្វរំពា និង បរាសិត ។

ប្រភព៖ សៀវភៅសិក្សាគោលជីវវិទ្យាថ្នាក់ទី១២ សៀវភៅកំណែជីវវិទ្យាថ្នាក់ទី១២