ជំពូកទី៦៖ ការវិវត្តនៃភាវរស់ , មេរៀនទី៣៖ កំណត់ត្រាផូស៊ីល

ជំពូកទី៦៖ ការវិវត្តនៃភាវរស់

មេរៀនទី៣៖ កំណត់ត្រាផូស៊ីល

មេរៀនសង្ខេប

+ផូស៊ីលជាស្នាមឬសំណល់ភាវៈរស់ដែលមានជីវិតរស់នៅកាលពីជំនាន់មុនយូរហើយ ។

+ផូស៊ីលកើតឡើងដោយសារសារពាង្គកាយកប់ជាប់ក្នុងសិលាកម្ទេចកំណ ។

+ផូស៊ីលអាចជាសំបកសារពាង្គកាយ ជាពុម្ពខាងក្រៅឬពុម្ពខាងក្នុង ។

+ផូស៊ីលក៏អាចជាសារពាង្គកាយទាំងមូលកប់ក្នុងដី រុក្ខជាតិ ឬ ក្នុងទឹកកកដែរ ។ការ សិក្សាអំពីស្រទាប់សិលាកម្ទេចកំណដែលមានផូស៊ីលអាចឱ្យយើងដឹងពីរបៀបប្រៀបធៀបអាយុផូស៊ីល ។

+គេអាចកំណត់អាយុផូស៊ីល ដោយគណនាបដិមាណរូបធាតុដែលបែកចេញពីធាតុវិទ្យុសកម្ម ។

+ផូស៊ីលធ្វើឱ្យយើងស្គាល់ប្រវត្តិនៃការវិវត្តរបស់ភាវៈរស់ គឺការកកើត ការរីកចម្រើន និងការវិនាសបាត់ទៅវិញនៃប្រភេទភាវៈរស់នីមួយៗ ។ផូស៊ីលអាចធ្វើឱ្យយើងដឹងប្រវត្តិនៃផែនដីផងដែរ ។.

សំណួរ

• តើផូស៊ីលជាអ្វី ?
• តើភាវៈរស់អាចបន្សល់អ្វីខ្លះទុកជាផូស៊ីល ?
• ចូរពន្យល់អំពីការកកើតនៃពុម្ពខាងក្រៅ ?
• ​តើគេប្រើវិធីអ្វីខ្លះ ដើម្បីកំណត់អាយុផូស៊ីល ?
• ចូរពន្យល់វិធីកំណត់អាយុផូស៊ីលតាមសារធាតុវិទ្យុសកម្ម ។
• តើផូស៊ីលមានសារៈសំខាន់ដូចម្ដេចដែរ ?