ជំពូកទី៥៖ ព័ត៌មានសេនេទិចនិងការសម្ដែងនៃសែន , មេរៀនទី៣៖ បច្ចេកវិទ្យាជីវៈ

ជំពូកទី៥៖ ព័ត៌មានសេនេទិចនិងការសម្ដែងនៃសែន

មេរៀនទី៣៖ បច្ចេកវិទ្យាជីវៈ

មេរៀនសង្ខេប

+ជម្រើសពូជ គឺជាការជ្រើសរើសពូជល្អរក្សាទុក ដើម្បីបង្កើនសន្ទស្សន៍ទិន្នផលខ្ពស់របស់ពូជសត្វស្រុកនិងរុក្ខជាតិដាំ ហើយបោះបង់ចោលពូជមិនល្អដែលផ្តល់ទិន្នផលទាប ។

+ការបង្កាត់ជ្រើសមានការបង្កាត់ជិតនិងការបង្កាត់ឆ្ងាយ ( ឬអំប្រ៊ីតកម្ម) ។

+ការបង្កាត់ឆ្ងាយបង្កើតអំប្រ៊ីតក្នុងភាពជាអេតេរ៉ូស៉ីស

+ក្លូនជាសារពាង្គកាយមួយក្រុមដែលមានព័ត៌មានសេនេទិចដូចគ្នា។ រុក្ខជាតិឬសត្វដែលកើតចេញពីកោសិកាមេតែមួយហៅថាក្លូន ។

+ប៉ូលីប្លូអ៊ីឌី ជាបាតុភូតដែលធ្វើឱ្យចំនួនក្រូម៉ូសូមក្នុងកោសិការកើនឡើងតាមពហុគុណនn គឺ2n: 3n n … ។ វិស្វកម្មសេនេទិច គឺជាសំណុំបច្ចេកទេសដែលអាចធ្វើឱ្យមានបន្ទេរសែនចង់បានមួយទៅក្នុងកោសិកាបណ្តុះឬក្នុងជាលិកាសត្វ ឬរុក្ខជាតិ ។

+សែនបន្សំថ្មីធ្វើឡើងជាដំណាក់ៈ ការកាត់អង្កត់ ADN ការបញ្ចូល ADN ដែលកាត់ទៅក្នុងកោសិកាបាក់តេរី ការបង្កើតក្លូន និងការជ្រើសរើសក្លូនណាដែលមានសែនចង់បាន ។

+អ្នកវិទ្យាសាស្ត្រប្រើប្រាស់វិស្វកម្មសេនេទិចក្នុងវិស័យសុខាភិបាល ដើម្បីផលិតសារធាតុមួយចំនួន ដូចជាអាំងស៊ុយលីន អាំងទែផេរ៉ូន អាំងទែឡឺគីន អង់ទីប្យូទិច វ៉ាក់សាំង ។ ក្នុងវិស័យកសិកម្ម គេធ្វើឱ្យរុក្ខជាតិមានផ្កា ផ្លែ ធន់និងជំងឺ ធន់នឹងអាកាសធាតុ និងថ្នាំសម្លាប់សត្វល្អិត… ។ ក្នុងវិស័យឧស្សាហកម្មស្បៀង ផលិតអាហារ ស្រាជាដើម ។

សំណួរ

• ដូចម្តេចហៅថាការបង្កាត់ជិត និងការបង្កាត់ឆ្ងាយ ?
• ចូរប្រៀបធៀបលទ្ធផលដែលបានមកពី ការបង្កាត់ជិត និងការបង្កាត់ឆ្ងាយ ។
• ចូរពន្យល់ពាក្យ ៖ អ៉ីប្រ៉៊ីតកម្ម អេតេរ៉ូស៊ីស ក្លូន ប៉ូលីប្លូអ៊ីឌី វិស្វកម្មសេនេទិច ប្លាស្មីតអង់ស៊ីមបង្រួម អង់ស៊ីមភ្ជាប់ ។
• ចូររបកស្រាយពីរបៀបផលិតអរម៉ូនអាំងស៊ុយលីនដោយវិស្វកម្មសេនទិច ។
• តើសារធាតុគីមីអ្វីខ្លះ ដែលផលិតតាមបច្ចេកវិទ្យាជីវៈ ?

ប្រភព៖ សៀវភៅសិក្សាគោលជីវវិទ្យាថ្នាក់ទី១២ សៀវភៅកំណែជីវវិទ្យាថ្នាក់ទី១២