ជំពូកទី៤៖ បញ្ហាបរិស្ថានលើពិភពលោក , មេរៀនទី៧៖ ការបំពុលឬកង្វក់

ជំពូកទី៤៖ បញ្ហាបរិស្ថានលើពិភពលោក

មេរៀនទី៧៖ ការបំពុលឬកង្វក់

មេរៀនសង្ខេប

+ការបំពុលខ្យល់ច្រើនកើតឡើងពីលទ្ធផលនៃសកម្មភាពមនុស្ស ។ ភាគច្រើននៃការបំពុលបានមកពីយានយន្តគ្រប់ប្រភេទ រោងចក្រនិង រោងចក្រអគ្គិសនី ដែលប្រើប្រាស់ឥន្ធនៈផូសុីលដូចជាធ្យូងថ្មនិងប្រេងឥន្ធនៈ ។

+ការបំពុលទឹកចេញពីប្រភពពីគឺប្រភពចំណុចរាយប៉ាយដែលបានបន្សល់ទុកសារធាតុបំពុលនានានៅក្នុងទឹកដូចជា មីក្រុបបង្ករោគ អង្គធាតុអសិរីរាង្គ អង្គធាតុសរីរាង្គ និង សំណល់វិទ្យុសកម្ម… ។  ធនធានទឹកកំពុងទទួលការបំពុល ដូច្នេះយើងត្រូវគ្រប់គ្រងនិងជួយថែរក្សាទុកឪ្យបានល្អស្អាត សម្រាប់មនុស្សប្រើប្រាស់និងសម្រាប់សារពាង្គកាយនានាផងដែរ ។

+ធនធានដីត្រូវបានប្រើប្រាស់ទៅតាមតម្រូវការផ្សេងៗគ្នានិងតាមប្រភេទដី ។ ការប្រើប្រាស់វិធីបម្លាស់ដំណាំ  ដំណាំប្រពលវប្បកម្ម  កសិកម្មរុក្ខជាតិន និងការប្រើប្រាស់ដីសមស្របកាត់បន្ថយសំណាក់ដីនិងទប់ស្កាត់ការបាត់បង់សារធាតុចិញ្ចឹម ។

សំណួរ

• មូលហេតុអ្វីខ្លះដែលនាំឲ្យមានកំណើនការបំពុលអាកាសនៅប្រទេសកម្ពុជា ?
• តើភ្លៀងអាស៊ីតកើតពីសារធាតុបំពុលអ្វីខ្លះ? បង្កបានជាអាស៊ីតអ្វីខ្លះ ? ចូរសរសេររូបមន្តបញ្ជាក់ ។
• ដើម្បីគ្រប់គ្រងនិងកែលំអគុណភាពទឹកតើយើងត្រូវធ្វើដូចម្ដេច ?
• រៀបរាប់ពីការគ្រប់គ្រងទឹកនិងការបំពុលទឹកនៅប្រទេសកម្ពុជា ។
• ចូររៀបរាប់វិធីថែរក្សាដីកុំឲ្យបាត់បង់គុណភាព ។
• ចូលពិភាក្សា បើកំណើនប្រជាជនកើនកាន់តែខ្ពស់ តើមានផលប៉ះពាល់អ្វីខ្លះដល់ការប្រើប្រាស់ដី ?

ប្រភព៖ សៀវភៅសិក្សាគោលផែនដីវិទ្យាថ្នាក់ទី១២ សៀវភៅកំណែផែនដីវិទ្យាថ្នាក់ទី១២