ជំពូកទី៤៖ នាទីប្រូតេអ៊ីនក្នុងសារពាង្គកាយ , មេរៀនទី១៖ អាស៊ីតអាមីនេ

ជំពូកទី៤៖ នាទីប្រូតេអ៊ីនក្នុងសារពាង្គកាយ

មេរៀនទី១៖ អាស៊ីតអាមីនេ

មេរៀនសង្ខេប

• គ្រប់សកម្មភាពទាំងអស់របស់សារពាង្គកាយរស់ ត្រូវការប្រូតេអ៊ីនជាចាំបាច់ វាជាសមាសធាតុគ្រឹះនៃជីវិត ។ ប្រូតេអ៊ីនជាសារធាតុសាំញ៉ាំដែលផ្ទុកកាបូនអ៊ីដ្រូសែន អុកស៊ីសែន និងអាសូត ជួនកាលមានផូស្វាតនិងស្ពាន់ធ័រផងដែរ ។ សមាសធាតុគ្រឹះរបស់ប្រូតេអ៊ីនជាសារធាតុងាយគឺ អាស៊ីតអាមីណេ ។ អាស៊ីតអាមីណេនីមួយៗផ្សំឡើងដោយបណ្តុំអាមី បណ្តុំកាបុកស៊ីល និងរ៉ាឌីកាល់ R ។ ក្នុងសារពាង្គកាយមនុស្ស មានអាស៊ីតអាមីណេប្រហែល ២០ ប្រភេទខុសៗគា្ន ។អាស៊ីតអាមីណេទាំង២០ ប្រភេទនេះខុសគ្នាដោយសាររ៉ាឌីកាល់ (R) ។
• ចំណងដែលចងភ្ជាប់អាស៊ីតអាមីណេពីមួយទៅមួយ ហៅថាចំណងប៉ិបទីត ។ នៅពលអាស៊ីតអាមីណេពីរភ្ជាប់គ្នា វាត្រូវបាត់បង់ទឹកមួយម៉ូលេគុល ។ នៅពេលអាស៊ីតអាមីណេច្រើនភ្ជាប់គា្នបង្កើតបានជាច្រវាក់ប៉ូលីប៉ិបទីត ។ ច្រវាក់ប៉ូលីប៉ិបទីតច្រើនបង្កើតជាទម្រង់ផ្សេងៗនៃប្រូតេអ៊ីន ។ តំណលំដាប់អាស៊ីតអាមីណេជាអ្នកកំណត់ទម្រង់និងនាទីរបស់ប្រូតេអ៊ីន ។

សំណួរ

• ដូចម្តេចដែលហៅថាប៉ិបទីត ? ចំណងប៉ិបទីត ?
• ហេតុអ្វីបានជាគេនិយាយថា អាស៊ីតអាមីនជាសារធាតុចំណូលទឹក ?
• តើម៉ូលេគុលអាស៊ីតអាមីននីមួយៗផ្សំឡើងពីអ្វីខ្លះ ?ចូរសរសេររូបមន្តទូទៅរបស់អាស៊ីតអាមីណេ។
• ហេតុអ្វីបានគេនិយាយថា តំណលំដាប់អាស៊ីតអាមីណេកំណត់ទម្រង់និងនាទីរបស់ប្រូតេអ៊ីន ?
• ចូរសរសេរីរូបមន្តឌីប៉ិបទីតដែលកើតឡើងពីការភ្ជាប់រវាងអាស៊ីតអាមីណេពីរ ។

ប្រភព៖ សៀវភៅសិក្សាគោលជីវវិទ្យាថ្នាក់ទី១២ សៀវភៅកំណែជីវវិទ្យាថ្នាក់ទី១២