ជំពូកទី២៖ សកល , មេរៀនទី៧៖ អង្គតូចៗក្នុងប្រព័ន្ធព្រះអាទិត្យនិងពពកអត៏

ជំពូកទី២៖ សកល

មេរៀនទី៧៖ អង្គតូចៗក្នុងប្រព័ន្ធព្រះអាទិត្យនិងពពកអត៏

មេរៀនសង្ខេប

• ផ្កាយដុះកន្ទុយ ជាអង្គតូចៗផ្សំឡើងពីទឹកកក សិលា និងធូលីក្នុងលំហដែលនៅសេសសល់បន្ទាប់ពីកំណកំណើតប្រព័ន្ធព្រះអាទិត្យ។ ផ្កាយព្រះគ្រោះ គឺជាអង្គសិលាដែលមានទំហំតូចៗនិងធ្វើចលនាតាមគន្លងជុំវិញព្រះអាទិត្យ ចន្លោះភពអង្គារនិងភពព្រហស្បតិ៍ ។
• អាចម៍ផ្កាយ គឺជាអង្គសិលាដែលមានទំហំតូច ហើយប្រហែលជាកើតចេញពីផ្កាយព្រះគ្រោះ ។ទេពច្យុតកើតឡើងនៅពេលភពផែនដីធ្វើដំណើរឆ្លងកាត់កម្ទេចកម្ចីធូលីតាមបណ្ដោយគន្លងផ្កាយដុះកន្ទុយ។ ការបុកទង្គិចដែលបណ្តាលឱ្យមានមហន្តរាយធម្មជាតិកើតឡើងម្តងនៅរៀងរាល់ពីរទៅបីពាន់ឆ្នាំម្ដង ប៉ុន្តែការបុកទង្គិចខ្លាំងៗធ្វើឱ្យមានការផុតពូជសត្វជាច្រើននៅលើពិភពលោក កើតឡើងនៅរៀងរាល់ 30ទៅ 5០លានឆ្នាំម្តង ។

 សំណួរ

• ហេតុអ្វីការសិក្សាអំពីផ្កាយដុះកន្ទុយ ផ្កាយព្រះគ្រោះ និងអាចម៍ផ្កាយមានសារៈសំខាន់ក្នុងស្វែងយល់អំពីកំណកំណើតប្រព័ន្ធព្រះអាទិត្យ?
• ហេតុអ្វីបានជាកន្ទុយទាំងពីររបស់ផ្កាយដុះកន្ទុយមានទិសដៅផ្សេងគ្នា?
• ហេតុអ្វីបានជាការបុកទង្គិចនៅលើផ្ទៃព្រះចន្ទច្រើនជាងនៅលើផ្ទៃភពផែនដី?
• តើអ្នកគិតថា រដ្ឋាភិបាលគួរតែចំណាយប្រាក់ទៅលើកម្មវិធីស្រាវជ្រាវអំពីផ្កាយព្រះគ្រោះនិងផ្កាយដុះកន្ទុយដែលធ្វើដំណើរជុំវិញភពផែនដីដែរឬទេ? ចូរពន្យល់ពីមូលហេតុ ។

ប្រភព៖ សៀវភៅសិក្សាគោលផែនដីវិទ្យាថ្នាក់ទី១២ សៀវភៅកំណែផែនដីវិទ្យាថ្នាក់ទី១២