ចូររៀបរាប់អំពី « នានាភាពនៃពាក្យបណ្តៅ » ។

រៀបរាប់អំពីនានាភាពនៃពាក្យបណ្តៅមាន៖

ពាក្យបណ្តៅលើសត្វពាហនៈ

• នៅផ្ទះ​ស៊ីអាហារ ទាំងឡាយគេប្រើទៅឆ្ងាយឲ្យស៊ីដេក តើស្អីគឹ ? ( សត្វសេះ )
• ទៅលើទំពក់ មកលើទំពក់ ស្អីគេ ? ( ឆ្កែ )
• នាងដើរដំណើរប្អូនស្រី យកដៃបោសដីបោសផ្កាសូរភី ស្អីគេ ? ( សត្វដំរី )
• ខ្លួនរស់នៅលើរុក្ខា ចម្លែកអស្ចារ្យ ទោះទៅដល់ទីណានៅតែជាស្រី ? ( សត្វអាញី )

ពាក្យបណ្តៅលើបក្សី

• កំប៉េងកំប៉ោះ កំប៉េងអត់ដោះចិញ្ចឹមកូនរស់តើស្អីគេ ? ( សត្វមាន់ )
• ឥតខ្នើយ កើយខ្នង ស្អីគេ ? ( សត្វទា )
• សត្វមួយមកពីជើងក្បាលវាដូចភ្លើង ជើងវាដុះស្នែងតើស្អីគេ ? ( សត្វមាន់គក )

ពាក្យបណ្តៅលើរុក្ខជាតិ

• ប្រឹក្សាដំនាក្បែរផ្លូវ អ្នកផងដើរទៅហៅឯងឆ្លើយឯង តើស្អីគេ ? ( ត្នោតបាទ )
• ប្រឹក្សាបន្លារយពាន់មានថ្នាំងកង់ៗ ដុះដៃពីភ្នែក តើស្អីគេ ? ( ដើមឬស្សី )
• ដើមវាប៉ុនទៀន ស្លឹកវាលៀនប៉ុនថាស ។ ស្អីគេ ? ( ស្លឹកឈូក )
• នាងអើយនាងរេ ដុះកណ្តាលទន្លេ ចាក់ឬសមិនដល់ដី ស្អីគេ ? ( ដើមកំប្លោក )
• នាងអើយនាងនង់ ជង្គង់ឬស្សី មិនដែលដើរដី ដើរលើឈើ ងាប់ ស្អីគេ ? ( ដើមម្លូ )
• បើកសំពត់ឃើញសក់ បកសក់ឃើញសាច់បកសាច់ឃើញស្នូល តើស្អីគេ ? ( ផ្លែពោត )
• បើអត់គេរក ដល់បានមកទ្រង់ព្រះកន្សែង តើស្អីគេ ? ( ផ្លែម្ទេស )
• ប៉ះស្អិត ហិតស្អុយ ប្រថុយឆ្ងាញ់ ស្អីគេ ? ( ផ្លែអូយម៉ូយ )
• ពីតូចល្អម្តង ដល់ចាស់កោងខ្នងល្អម្តងទៀត ស្អីគេ ។ ( ដើមស្រូវ )
• ពិតូចស្លៀកសម្ពត់ ធំឡើងចេះរត់ យកសម្ពត់ជូតក្បាល ស្អីគេ ? ( ផ្លែត្រប់ )
• រុក្ខាយើង ស្គាល់ទាំងអស់ដើមធម្មតាសោះហ៊ានឃាត់គិរី តើស្អីគេ ? ( ដើមរាំងភ្នំ )
• រុក្ខាស្រលូនខ្ពស់ក្រៃ អ្នកផងប្រុសស្រីស្នេហាគ្រប់គ្នាអ្នកសម្គាល់ដែន កម្ពុជារាល់វេលាវាមានប្រយោជន៍ច្រើនមុខ តើស្អីគេ ? ( ដើមត្នោត )

ពាក្យបណ្តៅលើឧទាហរណ៍ប្រើប្រាស់

• ស៊ីនឹងចំពុះ ដល់ជុះនឹងស្លាប់ តើស្អីគេ ? ( នង្គ័ល )
• ក្ងក់ដូចទង់ ក្ងុងដូចត្មាតរកស៊ីសង្វាតរ្ពោះដាក់គ្មាន ស្អីគេ ? ( កណ្តៀវ )
• ឬស្សីមួយគុម្ព ជ្រុកណ្តាលបឹង តើស្អីគេ ? ( អង្រុត )
• លោកចៅហ្វាយនាយដេញ លោកបាឡាត់គ្រវី គ្រវាត់ចេញអាចម៍ចេញនោម តើស្អី ? ( ត្បាលកិនម្សៅ )
• សក្រវាឡខ្សែគ្រវែងវ៉ិត អ្វីទៅនៅម្តុំផ្ចិតក្រវង់ៗ ស្អីគេ ? ( ខ្សែក្រវាត់ )
• សត្វមួយមកពីស្រុកឯលិច កន្ទុយខ្វៀនខ្វិចស៊ីក្បាលមនុស្ស ? ( កន្ត្រៃកាត់សក់ )
• សំយោងសំយុង ទន្លេបួនជ្រុង លូកដៃមិនដល់ ស្អីគេ ? ( កញ្ចក់ឆ្លុះមុខ )
• ស៊ីពីក្តិត ជុះតាមមាត់ស្អីគេ ?( ក្បឿង )

ពាក្យបណ្តៅលើជីវភាពប្រចាំថ្ងៃ

• ដាមអើយស្រីដាម ទឹកភ្នែករហាមគេចាប់ដាមចង ក្រមុំពីរនាក់ដើរតាមគន្លងគេចាប់ដាមចង នៅកោះអន្លុងកី ស្អីគេ ? ( តម្បាញ )
• កៀក ក លៀនអណ្តាត ស្អីគេ ?  ( សិតទឹកពី )
• វាយអារស់ អាងាប់ស្រែក ស្អីគេ ? ( បរទេះ )
• អ្នកក្រោមស្រនុក អ្នកលើកើតទុក្ខ បះដៃបះជើង ស្អីគេ ? ( ចែវទូក )
• ឱនក្បាលគូទ ទយ សង្វាតទៅក្រោយញ៉ុកដកៗ ស្អីគេ ? ( ដកស្នូង )

ពាក្យបណ្តៅលើបាតុភូតធម្មជាតិ

• ចាំងមួយថ្ងៃវាល់ល្ងាច រករំកាច់បន្តិចគ្មានតើ ស្អីគេ ? ( ព្រះអាទិត្យ )
• បោះសន្ទូចរំលងភ្នំ ត្រីឆ្តោមាត់ធំ ដេញលេបក្ងោកមាស ស្អីគេ ? ( រាហូចាប់ចន្ទ )
• នួនអើយនាងនួន នាងធំតែខ្លួនទាបជាងស្មៅ ស្អីគេ ? ( ភ្នំ )
• អ្នកអើយអ្នកកំហូច អ្នកចូលលួច ដល់គៀនកោះអ្នកនៅជាប់នឹងខ្ញុំសោះ គេទាំងអស់មើលអ្នកមិនឃើញ ? ស្អីគេ ? ( ខ្យល់ )
• អ្នកមួយមកពីលើ ដើរភ្លីភ្លើជាន់គេជាន់ឯង ស្អីគេ ? ( ភ្លៀងធ្លាក់ )
• ឯកអង្គពង្សពស់ ស្បែកវានោះនៅលើមេឃ ស្អីគេ ? ( មេឃស្រកានាគ )

ពាក្យបណ្តៅធៀប

• ក្បាលពោះឡើងពើង ជញ្ជក់ឈាមរាស្រ្តដូចឈ្លើង ស្អីគេ ? ( ពួកនាហឺ្មុនពុករលួយ )
• ចាស់មិនព្រមទុំ ស្អីគេ ? ( មនុស្សចាស់ខិលខូចធ្វើឬកដូចក្មេង )
• ក្រពើវង្វេងបឹង ស្អីគេ ? ( មនុស្សរមិល )
• ឆ្លាតដូចទន្សាយ ស្អីគេ ? ( អ្នកមានប្រាជ្ញា )
• ភ្នំឥតថ្ម ស្រីល្អឥតប្តី ដំរីឥតភ្លុក ស្អីគេ ? ( ភ្នំពេញ អប្សរា )
• កុំធ្វើដូចសត្វឆ្កែ ស្អីគេ ? ( ខ្ជិល និងល្ងង់ ) ។