ចូរពន្យល់និងប្រៀបធៀបលក្ខណៈខុសគ្នារវាង ពិធីបុណ្យភ្ជុំបិណ្ឌ និងពិធីបុណ្យចូលឆ្នាំ្មខ្មែរ ?

អត្ថន័យ

ក. អំពីពិធីបុណ្យភ្ជុំបិណ្ឌ

ពាក្យថា ភ្ជុំបិណ្ឌៈ ( ភ្ជុំ + បិណ្ឌ )

ភ្ជុំ (កិ ) ប្រជុំ ជួបជុំ ប្រមូល

បិណ្ឌ ( ន ) ដុំបាយ ពំនូតបាយ … ។

ដូចនេះពាក្យ បុណ្យភ្ជុំបិណ្ឌ ក្នុងន័យនេះគឺសំដៅយកន័យថា ជាពិធីបុណ្យប្រពៃណី បែបព្រះពុទ្ធសាសនា ដែលពុទ្ធសាសនិកយើងនាំគ្នាយកចង្ហាន់ និងបាយបិណ្ឌប្រគេនព្រះសង្ឃ ដើម្បីឧទ្ទិសកុសលជូនវិញ្ញាក្ខន្ធបេកជន ដែលបានស្លាប់ទៅហើយ ។

ខ. អំពីពិធីបុណ្យចូលឆ្នាំខ្មែរ

ពិធីបុណ្យចូលឆ្នាំខ្មែរ គឺជាបុណ្យប្រពៃណីខ្មែរដែលប្រារព្ធឡើងដើម្បីទទួលអនរសារទរឆ្នាំថ្មីដែលបានចូលមកដល់ ។

២. ប្រៀបធៀប

ក​. លក្ខណៈដូចៈ

· ជាពិធីបុណ្យប្រពៃណីជាតិដូចគ្នា

· មានឧទ្ទិសកុសលដល់វិញ្ញាណក្ខន្ធបេកជនដូចគ្នា

· មានការជួបជុំគ្នានៅក្នុងទីវត្តអារាមដូចគ្នា ។​

ខ. លក្ខណៈខុស

                        បុណ្យភ្ជុំបិណ្ឌ

• គ្មានពូនភ្នំខ្សាច់ទេ
• គ្មានលេងល្បែងប្រជាប្រិយ
• គ្មានស្រង់ព្រះពុទ្ធរូបបដិមាទេ
• គ្មានជូនសំលៀកបំពាកដល់អ្នកមានគុណ
• មានបេកជនដើររក ៧វត្ត
• មានដាក់បាយបិណ្ឌ
• មានប្រវត្តិរឿងប្រែតដែលជាញាតិព្រះបាទពិម្ពិសា
• មានរយៈពេល១៥ថ្ងៃ  ( ចាប់ផ្តើមនៅថ្ងៃ ១រនោច ខែភទ្របទ )
• មានបង្សុកូលនិងឧទ្ទិសកុសលជូនញាតិការ៧សណ្តានដែលបានស្លាប់ទៅ
• គ្មានការតុបតែងគេហដ្ឋាន
• គ្មានគ្រឿងសំរាប់គោរពបូជា ទេពទេ ។

បុណ្យចូលឆ្នាំ

• មានពួនភ្នំខ្សាច់
• មានលេងល្បែងប្រជាប្រិយដូចជា ចោលឈូង បោះអង្គុញ ទាញខ្សែព្រ័តជាដើម
• មានស្រង់រូបព្រះពុទ្ធបដិមា
• មានរយៈពេល៣ថ្ងៃ គឹចាប់ផ្តើមពីថ្ងៃ ១៣ រឺ ១៤ ខែមេសា តទៅជារៀងរាល់ឆ្នាំ
• មានជូនសំលៀកបំពាក់ដល់អ្នកមានគុណ
• គ្មានបេកជនដើររកតាមវត្តអារាមទេ
• គ្មានបោះបាយបិណ្ឌ
• មានប្រវត្តិរឿង កបិលមហាព្រហ្មនិងធម្មបាលកុមារ
• មានការអបអរសាទរផ្តាច់ឆ្នាំចាស់ ផ្លាស់ចូលឆ្នាំថ្មី
• មានការតុបតែងគេហដ្ឋាន ។