ក្រោយពីបានសិក្សាវប្បធម៌ និងអរិយធម៌ខ្មែរ តើអ្នកយល់បានយ៉ាងដូចម្តេចខ្លះចំពោះមនុស្សខ្មែរ ? ចូរពន្យល់ ។

វប្បធម៌ សំដៅយកធម៌ទាំងឡាយណាដែលទ្រទ្រង់នូវការសាបព្រោះឲ្យលេចចេញជាលទ្ធផលផ្លែផ្កាតាមរយៈវិទ្យាសាស្រ្ត ឬសិល្បៈផ្សេងៗ ។

អរិយធម៌ គឺជាធម៌ទាំងឡាយណាដែលជាសភា និងជាតម្លៃនៃការលូតលាស់ដុះដាលរីកចម្រើនល្ងប្រសើរ ខ្ពង់ខ្ពស់ ថ្លៃថ្នូរ រុងរឿងក្នុងការរស់នៅរបស់មនុស្សក្នុងសង្គមប្រកប​ដោយរបៀបរៀបរយ និងមានគ្រឿងប្រដាប់ប្រដារប្រើប្រាស់ មានជំនឿ និងចំណង់ចំនូលចិត្តគ្រប់បែបយ៉ាងក្នុងគោលដៅស្វែងរកសុខៈ ។

ក្រោយពីបានសិក្សាអំពីវប្បធម៌ និងអរិយធម៌ និងអរិយធម៌ខ្មែរមកធ្វើឲ្យយើងបានដឹងអំពីមនុស្សខ្មែរដូចខាងក្រោម ៖

• ជនជាតិខ្មែរមិនមែនជាជនជាតិអន្តោប្រវេសន៍ឡើយ
• មានប្រវត្តិសាស្រ្តរស់នៅលើទឹកដីរបស់ខ្លួនតាំងពីយូរណាស់មកហើយ
• មានអរិយធម៌ខ្ពង់ខ្ពស់ល្បីល្បាញនៅសម័យមហានគរ
• ខ្មែរមានអរិយធម៌របស់ខ្លួនច្បាស់លាស់មុនពេលខ្មែរទទួលឥទ្ធិពលរបស់បរទេស
• ជនជាតិខ្មែរជាជនជាតិតស៊ូអំណត់ ឧស្សាហ៍ព្យាយាម ស្លូតបូត សុភាពរាបសារ និងជានិម្មិតករដ៏ឆ្នើម
• ឆាប់ភ្ញាក់រលឹក ស្មោះត្រង់ចំពោះជាមមាតុភូមិ មិត្តភ័ក្រ្ភ តែស្អប់ខ្ពើមអ្នកជាសត្រូវ  ។

ដូចនេះក្រោយពីបានសិក្សាពីវប្បធម៌ និងអរិយធម៌ខ្មែរបានឲ្យយើងបានដឹងយ៉ាងច្រើនអំពីមនុស្សខ្មែរ ។