ហេតុអ្វីបានជារដ្ឋាភិបាលនៃប្រទេសនីមួយៗ ត្រូវការចំណូលថវិការ ? ដើម្បីមបង្កើតថវិការចំណូល តើរាជរដ្ឋាភិបាលត្រូវធ្វើតាមរបៀបណាខ្លះ ?

បានជារដ្ឋាភិបាលនៃប្រទេសនីមួយៗត្រូវការចំណូលថវិការពីព្រោះ ដើម្បីអនុវត្តច្បាប់ បទបញ្ជាផ្សេងៗរបស់ខ្លួន និងពន្ធដារដើរតួនាទីដ៏សំខាន់ក្នុងកិច្ចការរដ្ឋរក្សាស្ថានភាពសេដ្ឋកិច្ច និងនយោបាយរបស់ប្រទេស ។

ដើម្បីបង្កើតថវិការចំណូល រដ្ឋបានប្រមូលថវិការចំណូលតាមរបៀបផ្សេងៗដូចជា៖

• ប្រមូលពន្ធដារ
• ជួល ឬលក់ទ្រព្យសម្បត្តិជាតិដូចជា រោងចក្រ សហគ្រាស ដី អាជីវកម្ម ព្រៃឈើ និងរ៉ែជាដើម ។
• យកពន្ធលើការប្រើប្រាស់ផ្លូវថ្នល់ ស្ពាន អាកាសយានដ្ឋាន និងប្រៃសនីយ៍ទូរគមនាគមន៍
• យកកម្រៃលើលិខិតស្នាមផ្សេងៗពីប្រជាពលរដ្ឋដូចជា ការសុំច្បាប់រៀបអាពាហ៍ពិពាហ៍ ការសុំច្បាប់បរបាញ់ ឡូនេសាទ ការប្រមូលប្រាក់ផាកពិន័យ
• យកកម្រៃពីការផ្តល់សិទ្ធិនិពន្ធ ឬការបង្កើតលិខិតស្នាមដៃដើម្បីអាជីវកម្ម ផ្សេងៗ ។
• និងយកកម្រៃពីការបង្កើតឆ្នោតជាតិ ។