បើកំណើនប្រជាជនកាន់តែខ្ពស់ តើមានផលប៉ះពាល់ពាល់អ្វីខ្លះដល់ការប្រើប្រាស់ដី ?

បើកំណើនប្រជាជនកាន់តែខ្ពស់​ ការប្រើប្រាស់ដីក៏ទទួលរងនូវឥទ្ធិពលផងដែរដូចជា កាលណាចំនួនប្រជាជនកើនឡើង នោះកំណើននៃតម្រូវការដីក៏កើនឡើងដែរដូចជាកំណើនដីសម្រាប់សង់លំនៅស្ថាន ទីក្រុង ទីប្រជុំជន និងប្រព័ន្ធគមនាគមន៍ ។ កំណើនតម្រូវការដីនេះ ធ្វើឲ្យមានការកាប់រានដីព្រៃបន្ថែម និងធ្វើឲ្យថយចុះដីសម្រាប់ធ្វើកសិកម្ម ។ សកម្មភាពនេះបានបង្កឲ្យមានបញ្ហាដល់ការផ្គត់ផ្គង់ស្បៀងសម្រាប់ប្រជាជន ។ ម្យ៉ាងទៀត កំណើនប្រជាជនបានបង្កឲ្យមានកង្វក់ដល់ធនធានដី តាមរយៈការចោលកាកសំណល់ផ្សេងៗ និងការប្រើប្រាស់ជីគីមី និងថ្នាំសម្លាប់សត្វល្អិតចង្រៃ​ ។