ជំពូក៧៖ រូបផ្គុំរុក្ខជាតិមានសរសៃនាំ , មេរៀនទី១៖ ជាលិការុក្ខជាតិ

ជំពូក៧៖ រូបផ្គុំរុក្ខជាតិមានសរសៃនាំ

មេរៀនទី១៖ ជាលិការុក្ខជាតិ

មេរៀនសង្ខេប

• សារពាង្គកាយរុក្ខជាតិមានផ្កាចែកចេញជាពីរផ្នែកសំខាន់ៗគឺ ក្បាលឬសនិង កំពូលដើមដែលហៅថា មេជាលិកាកំពូល ។
• មេជាលិកាកំពូលធ្វើមីតូសជាបន្តបន្ទាប់ ។ កោសិកាដែលកើតចេញពីមេជាលិកាបំលែងឯកទេសទៅជាជាលិកាផ្សេងៗទៀតរបស់រុក្ខជាតិ ។ជាលិកា សំខាន់ៗទាំងនោះមានជាលិកាល្បាតជាលិកាសរសៃ និងជាលិកាត្រី ។
• កោសិកានៃជាលិកានីមួយៗមាននាទីផ្សេងៗគ្នាដូចជា សម្រូប ដំណឹកនាំ ការស្ដុក និងការបន្តពូជ។
• ជាលិកាល្បាតមាននាទីការពាររុក្ខជាតិនិងបន្ថយការបាត់បង់ទឹក ។
• ជាលិកាសរសៃនាំមាននាទីដឹកនាំទឹក និងសារធាតុខនិជពីឬសទៅស្លឹកនិងដឹកនាំអាហារពីស្លឹកទៅឬសវិញ ។
• ជាលិកាគ្រឹះបង្កើននូវទំហំរបស់ឈើ។ វាមាននាទីពង្រឹងនិងទ្រទ្រង់រុក្ខជាតិ។ ជាលិការគ្រឹះក៏អាចធ្វើរស្មីសំយោគបានដែរ ប្រសិនបើក្នុងកោសិកាប៉ារ៉ង់ស៊ីមមានក្លរ៉ូប្លាស។

សំណួរ ចម្លើយ ជីវវិទ្យា ថ្នាក់ទី១១

• តើជាលិកាសំខាន់ៗរបស់រុក្ខជាតិមានសរសៃនាំមានប៉ុន្មានប្រភេទ ? អ្វីខ្លះ ?
• តើកោសិកាប៉ារ៉ងស៊ីមមាននៅផ្នែកណាខ្លះនៃរុក្ខជាតិ ?ហើយមាននាទីអ្វីខ្លះ ?
• តើជាលិកាសរសៃនាំមាននាទីដូចម្តេច ?
• តើជាលិកាអេពីឌែមរបស់ជាលិកាល្បាតមាននាទីអ្វីខ្លះ ?
• តើកោសិកាណាខ្លះដែលស្ថិតក្នុងជាលិកាគ្រឹះ ?ហើយមាននាទីយ៉ាងដូចម្តេច ?
• តើកោសិកាក្លេរ៉ងស៊ីមមានប្រយោជន៍អ្វីដែរចំពោះរុក្ខជាតិ ?
• តើកោសិកាក្លេរ៉ងស៊ីមមានផ្ទុកសារធាតុអ្វី ?
• ដូចម្តេចដែលហៅថា ល្យែស ?
• តើល្យែសរបស់រុក្ខជាតិមាននាទីអ្វីខ្លះ ?

ប្រភព៖ សៀវភៅសិក្សាគោលជីវវិទ្យាថ្នាក់ទី១១