News & Events

សំណួរទីៈ ៤៣. អត្ថន័យបទភ្លេងជាតិ «បទនគររាជ និង បទពង្សាវតារខ្មែរ»
ចម្លើយៈ
អត្ថន័យបទភ្លេងជាតិ «បទនគររាជ និង បទពង្សាវតារខ្មែរ» មានដូចជា៖
១.បទនគររាជ គឺជាចំរៀងជាតិនៃព្រះរាជាណាចក្រកម្ពុជា។ បទនគររាជ ត្រូវបាននិពន្ធដោយសម្ដេចសង្ឃរាជជួន ណាត។

  • វគ្គទី១៖ ការបួងសួងដល់ទេព្តា សូមជួយថែរក្សាព្រះមហាក្សត្រខ្មែរប្រកបដោយបារមីខ្លាំងខ្លា មានទសពិធរាជធម៌ដែលបានដឹកនាំកសាងប្រាសាទអង្គរវត្តនិងគ្រប់គ្រងផែនដីខ្មែរតាំងពីបុរាណមកដោយរុងរឿង។
  • វគ្គទី២៖ ប្រាសាទថ្មនៅកណ្តាលព្រៃ ធ្វើឲ្យយើងស្រមៃឃើញសម័យមហានគរដ៏រុងរឿង។ ជនជាតិខ្មែរមានជំហររឹងមាំដូចថ្ម បានធានាភ័ព្វព្រេងសំណាងរបស់កម្ពុជា។
  • វគ្គទី៣៖ ការរំលឹកគុណព្រះពុទ្ធសាសនានៅគ្រប់ទីវត្តអារាម ដែលជួយឲ្យប្រទេសខ្មែរក្លាយជាមហានគរ តាំងពីសម័យដូនតារៀងរហូតមក បើយើងជឿជាក់ និងប្រតិបត្តិតាមដូនតា យើងនឹងថ្កុំថ្កើងរុងរឿងដូចសម័យមហានគរ។

២. បទពង្សាវតារខ្មែរ ជាស្នាដៃរបស់ សាស្រ្តាចារ្យនួនកន (១៩៣៤ – ២០០២) សកលវិទ្យាល័យភូមិន្ទវិចិត្រសិល្បៈ និពន្ធនៅថ្ងៃទី ១២ខែកញ្ញា ១៩៥
អត្ថន័យក្នុងបទនេះ មានលក្ខណះជាតិនិយម

  • ដោយបានទូន្មានយើងគ្រប់គ្នា ឲ្យយល់ដឹងពីសាវតារ និងវប្បធម៌ដ៏រុងរឿងរបស់យើង កាលពីសម័យមហានគរ ដែលបានផ្សព្វផ្សាយ រហូតដល់ចុងបូព៌ា។
  • បង្កប់មនោសញ្ចេតនាស្នេហាជាតិ បណ្តុះគំនិតជាតិនិយម និង បង្ហាញពីមោទនភាពដែលបានកើតមកជាកូនខ្មែររស់នៅលើទឹកដីអាណាចក្រខ្មែរ។
  • ដាស់សតិកូនខ្មែរគ្រប់រូបឲ្យងើបឡើង តាំងចិត្តឲ្យមុតមាំ ដើម្បីថែរក្សា និង លើកតម្កើនវប្បធម៌ជាតិខ្លួន ឲ្យរុងរឿងដូចសម័យមហានគរ។

១~   ខ្មែរអើយចូរចាំជាក់ថា

តាមសាវតារ ជាតិខេមរា ធ្លាប់តែថ្កើង

ទឹកដីខ្មែរធំ ទូលំទូលាយ សព្វសាយរុងរឿង

គេឯង តែងលើកតម្កើង តម្កល់ជាតិយើង

ចាត់ទុកឡើងជាជាតិច្បង ។

២~  អារ្យធម៌ ខ្ពង់ខ្ពស់ឆើតឆាយ

បានចេញផ្សព្វផ្សាយ គ្រប់ទិសទាំងឡាយ

ចុងបូព៌ាសាសនាសិល្បៈ ចម្លាក់វិចិត្រ គំនិតសិក្សា

តន្ត្រីទស្សនវិជ្ជា ព្រះពុទ្ធសាសនា

ជាគោលការណ៍ខ្មែរផ្សាយទៅ ។

៣~  ខ្មែរអើយ ចូរស្ដាប់សាវតារ

ដែលបានចរចា បញ្ជាក់ប្រាប់ថា ពូជខ្មែរថ្កើង

តាំងចិត្តឲ្យមាំ ខិតខំប្រឹងវេញ បញ្ចេញតម្កើង

តម្លៃនៃជាតិខ្មែរយើង ឲ្យបានរុងរឿង

ជាថ្មីឡើងតាមសាវតារ ។

*បញ្ជាក់៖

  • យើងខ្ញំបង្ហោះឯកសារនេះ សម្រាប់គ្រាន់តែជាការចែករំលែកចំណេះដឹងតែប៉ុណ្ណោះ
  • ហាមដាច់ខាតយកឯកសារទាំងនេះទៅធ្វើអាជីវកម្មផ្ទាល់ខ្លួនដោយគ្មានការអនុញ្ញាតពីម្ចាស់កម្មសិទ្ធិ
  • យើងខ្ញុំសូមមិនទទួលខុសត្រូវដាច់ខាត ចំពោះជនណាដែលយកឯកសារទាំងនេះទៅធ្វើអាជីម្មផ្ទាល់ខ្លួនខុសច្បាប់ ៕

សូមអរគុណចំពោះការគាំទ្រ! សូមឲ្យលោកអ្នកជួបតែសំណាងល្អគ្រប់ពេលវេលា!